ନରସିଂହପୁର: କାନପୁର ଥାନା ଅଧିନ ଏକଡାଳ ବ୍ରିଜ ନିକଟରେ ଗତକାଲି ବିଳମ୍ବିତ ରାତ୍ରିରେ ଏକ ଶାଳକାଠ ବୋଝେଇ ପିକ୍‌ଅପ୍‌ ଭ୍ୟାନ ଅନ୍ୟ ଏକ ଟ୍ରକ ସହ ମୁହାଁ ମୁହିଁ ଧକ୍କା ହୋଇଛି। ତେବେ ପିକଅପ ଭ୍ୟାନରେ ଥିବା ଶାଳକାଠର ଆନୁମାନିକ ମୂଲ୍ୟ ପାଖାପାଖି ଦେଢ଼ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ସୂଚନା ମିଳିଛି । ଘଟଣାସ୍ଥଳରେ ବନବିଭାଗ ପହଞ୍ଚି କାଠ ଜବତ କରିଛି। ଘଟଣା ଘଟି ସରିବା ପରେ ଘଟଣାସ୍ଥଳରୁ ଡ୍ରାଇଭର ଫେରାର ହୋଇ ଯାଇଥିବା ସୂଚନା ରହିଛି। ପରେ ଖବର ପାଇ ନରସିଂହପୁର ବନବିଭାଗ ଗାଡ଼ି ଏବଂ କାଠ ଜବତ କରିଚି। ତେବେ କାନପୁର ଥାନା ଓ ନରସିଂହପୁର ପୂର୍ବ ବନବିଭାଗ ଅଧିନରେ ରହିଥିବା ରହିଥିବା ଏକଡାଳ ବ୍ରିଜରୁ ଗତ ମାସରେ ଏକ ଗଞ୍ଜେଇ ବୋଝେଇ କାର ଜବତ କରାଯାଇଥିବା ବେଳେ ଆଜି ଚୋରା କାଠ ଜବତ କରାଯାଇଛି। ତେବେ ଏହି ରାସ୍ତା ଦେଇ ଅନେକ ସମୟରେ ବିଭିନ୍ନ ସାମଗ୍ରୀ ଚୋରାଚାଲାଣ ହେଉଥିବା ବେଳେ କାହାର ବି ଏଥିପ୍ରତି ଧ୍ୟାନ ରହୁ ନଥିବାରୁ ସାଧାରଣ ଓ ବୁଦ୍ଧିଜୀବୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି।