ଓଡ଼ିଶା ହାଇକୋର୍ଟରେ ୨ ବିଚାରପତିଙ୍କ ନିଯୁକ୍ତି ପାଇଁ ନାଁ ସୁପାରିସ କଲେ ସୁପ୍ରିମକୋର୍ଟ କଲେଜିୟମ
କଟକ/ନୂଆଦିଲ୍ଲୀ: ସୁପ୍ରିମକୋର୍ଟ କଲେଜିୟମ ଓଡ଼ିଶା ହାଇକୋର୍ଟରେ ନୂତନ ବିଚାରପତିଙ୍କୁ ନିଯୁକ୍ତି ଦେବା ପାଇଁ ୨ ଜଣଙ୍କ ନାଁ ସୁପାରିସ କରିଛନ୍ତି। ଏମାନେ ହେଲେ ବରିଷ୍ଠ ଆଇନଜୀବୀ ସଞ୍ଜୀବ କୁମାର ପାଣିଗ୍ରାହୀ ଓ ଜୁଡିସିଆଲ ଅଫିସର ବିଭୁ ପ୍ରସାଦ ରାଉତରାୟ। ପ୍ରଧାନ ବିଚାରପତି ରଞ୍ଜନ ଗୋଗୋଇ, ଜଷ୍ଟିସ ଏସ.ଏ. ବୋବଦେ ଓ ଜଷ୍ଟିସ ଏନ୍.ଭି ରମଣଙ୍କୁ ନେଇ ଗଠିତ ସୁପ୍ରିମକୋର୍ଟ କଲେଜିୟମ ଏହି ମାନଙ୍କ ନାଁ ନୂତନ ବିଚାରପତି ନିଯୁକ୍ତି ପାଇଁ ଆଇନ୍ ମନ୍ତ୍ରାଳୟକୁ ସୁପାରିସ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୁଚନାଯୋଗ୍ୟ ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ୨୦୧୯ ମେ’ ମାସ ୭ ତାରିଖରେ ୮ ଜଣ ବରିଷ୍ଠ ଆନଇଜୀବୀଙ୍କ ନାମ ସୁପ୍ରିମକୋର୍ଟଙ୍କୁ ପ୍ରସ୍ତାବ ପଠାଇଥିଲେ। ଏହି ଆଧାରରେ ସୁପ୍ରିମକୋର୍ଟ କଲେଜିୟମ ଆଇନଜୀବୀ ସଂଜୀବ କୁମାର ପାଣିଗ୍ରାହୀଙ୍କ ନାମ ସୁପାରିସ କରିଛନ୍ତି। କଲେଜିୟମ ଆଇନଜୀବୀ ସାବିତ୍ରୀ ରଥଙ୍କ ପ୍ରସ୍ତାବକୁ ପରବର୍ତ୍ତୀ ସମୟରେ ବିଚାରକୁ ନେବେ। ବାକି ୬ ଜଣଙ୍କ ନାମ ଫେରାଇ ଦେଇଛନ୍ତି।
ସେହିପରି ହାଇକୋର୍ଟ ୪ ଜଣ ଜୁଡିସିଆଲ ଅଫିସରଙ୍କ ନାମ ସୁପ୍ରିମକୋର୍ଟଙ୍କୁ ପଠାଇଥିଲେ। ସୁପ୍ରିମକୋର୍ଟ କଲେଜିୟମ ବିଭୁ ପ୍ରସାଦ ରାଉତରାୟଙ୍କ ନାଁ ସୁପାରିସ କରିଥିବା ବେଳେ ଅନ୍ୟ ୩ ଜଣଙ୍କ ନାଁକୁ ଫେରାଇ ଦେଇଛନ୍ତି।