୪୭୮୨ ନମୁନାରୁ ୧୦ ପଜିଟିଭ୍‌, କଟକକୁ ‌ଆସିଲେଣି ୯୨୯ ବିଦେଶ ଫେରନ୍ତା

କଟକ: କଟକରୁ ଆଜି ୧୦ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଜିଲ୍ଲାରେ ୪୭୮୨ ନମୁନା ପରୀକ୍ଷାରୁ ୧୦ ଜଣଙ୍କ ପଜିଟିଭ୍‌ ରିପୋର୍ଟ ଆସିଛି। ଫଳରେ ଜିଲ୍ଲାରେ ସଂକ୍ରମଣ ହାର ୦.୨୧ ରହିଛି। ସେଥିରୁ ସହରରୁ ୮ଜଣ ଓ ଗ୍ରାମାଞ୍ଚଳରୁ ଜଣେ ସଂକ୍ରମିତ ଚିହ୍ନଟ ହୋଇଛନ୍ତି। ଅନ୍ୟପଟେ କଟକ ଜିଲ୍ଲାକୁ ୯୨୯ଜଣ ବିଦେଶ ଫେରନ୍ତା ଆସିଥିବାବେଳେ ସମସ୍ତଙ୍କୁ ଚିହ୍ନଟ କରାଯାଇଛି। ସେଥିରୁ ସହରକୁ ୫୮୩ଜଣ ଫେରିଥିବା ଜଣାପଡିଛି। ଜିଲ୍ଲାକୁ ଫେରିଥିବା ୯୨୯ଜଣଙ୍କ ମଧ୍ୟରୁ ୬୪୨ଜଣଙ୍କ ଟେଷ୍ଟିଂ କରାଯାଇଛି। ବାକି ୨୮୭ଜଣଙ୍କ ପରୀକ୍ଷା କରାଯାଇପାରିନି।

ସେହିପରି ଓମିକ୍ରନ ସଂକ୍ରମିତ ଦେଶରୁ ୨୦୫ଜଣ ଫେରିଥିବା ଜଣାପଡିଛି। ସାଲେପୁରକୁ ୮୩, ନିଶ୍ଚିନ୍ତକୋଇଲି ୬୮, କଟକ ସଦର ୫୩, ନିଆଳି ୨୬, ମାହାଙ୍ଗା ୨୯, ଚୌଦ୍ବାର ପୌରାଞ୍ଚଳକୁ ୨୩ ଜଣ ଫେରିଥିବାବେ‌ଳେ ଜିଲ୍ଲାର ଅନ୍ୟ ସ୍ଥା‌ନକୁ ୧୦ଜଣ ବିଦେଶ ଫେରନ୍ତା ଆସିଛନ୍ତି। ତେବେ ଓମିକ୍ରନ୍‌ ଆକ୍ରାନ୍ତ ଦେଶରୁ ଫେରିଥିବା ବିଦେଶ ଫେରନ୍ତାଙ୍କ ମଧ୍ୟରୁ କଟକ ସହରକୁ ୧୪୮, ସାଲେପୁରକୁ ୧୪ଜଣ ଫେରିଛନ୍ତି।