ତେଲେଙ୍ଗାପେଣ୍ଠ ଓଭରବ୍ରିଜରେ ଜଳିଗଲା ଟ୍ରକ୍: ଡ୍ରାଇଭର ଫେରାର

କଟକ: କଟକ-ଭୁବନେଶ୍ବର ମଝିରେ ଥିବା ତେଲେଙ୍ଗାପେଣ୍ଠ ଓଭରବ୍ରିଜରେ ଜଳିଗଲା ଟ୍ରକ୍। ଏକ ବାଲି ବୋଝେଇ ଟ୍ରକ୍ ଛିଡା ହୋଇଥିବା ବେଳେ ହଠାତ୍ ନିଆଁ ଲାଗି ଯାଇଥିଲା। ସଟ୍ ସର୍କିଟ୍ ଯୋଗୁ ଟ୍ରକରେ ନିଆଁ ଲାଗିଥିବା ଅନୁମାନ କରାଯାଉଛି। ଘଟଣା ପରେ ଟ୍ରକର ଡ୍ରାଇଭର ଫେରାର ହୋଇଯାଇଥିବା ଜଣାପଡ଼ିଛି।

ଟ୍ରକରେ ନିଆଁ ଲାଗିବା ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ଦମକଳ ବାହିନୀ। ଟ୍ରକରେ ଲାଗିଥିବା ନିଆଁକୁ ଆୟତ୍ତ କରାଯାଇଥିଲା। ଟ୍ରକରେ ନିଆଁ ଲାଗିବା ଯୋଗୁ କିଛି ସମୟ ପାଇଁ ଓଭରବ୍ରିଜ୍ ଉପରେ ଯାତାୟତରେ ଅସୁବିଧା ସୃଷ୍ଟି ହୋଇଥିଲା।