ଏସ୍ସିବିରେ ଗୋଟିଏ ଦିନରେ ଅଲଟ୍ରାସାଉଣ୍ଡ୍ କରିବାକୁ ଦାବି
କଟକ: ବଡ଼ ଡାକ୍ତରଖାନାରେ ଅଲ୍ଟ୍ରାସାଉଣ୍ଡ୍ ପାଇଁ ରୋଗୀମାନଙ୍କୁ ୧୦/୧୫ ଦିନ ଅପେକ୍ଷା କରିବାକୁ ପଡ଼ୁଛି। ଏହି ସେବା ଗୋଟିଏ ଦିନରେ ମିଳିବାର ବ୍ୟବସ୍ଥା କରିବା ପାଇଁ ଉତ୍କଳ ସର୍ବୋଦୟ ମଣ୍ଡଳର ପକ୍ଷରୁ ଦାବି କରାଯାଇଛି। ଏ ନେଇ ସର୍ବୋଦୟ ମଣ୍ଡଳର ସମ୍ପାଦକ ରମାକାନ୍ତ ମଣ୍ଡଳ ଓ ଇନ୍ଦୁମତି ସାହୁ ବଡ଼ ଡାକ୍ତରଖାନା ରଞ୍ଜନରଶ୍ମି ବିଭାଗ ମୁଖ୍ୟଙ୍କୁ ଭେଟି ଶତାଧିକ ରୋଗୀଙ୍କ ଦସ୍ତଖତ ସମ୍ବଳିତ ଏକ ଦାବିପତ୍ର ଅଧୀକ୍ଷକଙ୍କ ଉଦ୍ଦେଶ୍ୟରେ ପ୍ରଦାନ କରିଛନ୍ତି। ସେମାନେ ଦର୍ଶାଇଛନ୍ତି ଯେ, ଏସ୍ସିବିକୁ ଓଡ଼ିଶା ଓ ବାହାର ରାଜ୍ୟରୁ ବହୁ ରୋଗୀ ଚିକିତ୍ସିତ ହେବାକୁ ଆସିଥାନ୍ତି।
Sambad is now on WhatsApp
Join and get latest news updates delivered to you via WhatsApp
ଏଠାରେ ଯେଉଁମାନଙ୍କର ଅଲଟ୍ରାସାଉଣ୍ଡ୍ ପାଇଁ ଡାକ୍ତର ପରାମର୍ଶ ଦିଅନ୍ତି। ସେମାନଙ୍କୁ ଅଲଟ୍ରାସାଉଣ୍ଡ୍ କରାଇବାକୁ ୧୦/୧୫ ଦିନ ଅପେକ୍ଷା କରିବାକୁ ପଡ଼ିଥାଏ। ଏଥିପାଇଁ ସେମାନଙ୍କୁ ବହୁ ଖର୍ଚାନ୍ତ ହେବାକୁ ପଡ଼ିଥାଏ। ଏଣୁ ସେମାନଙ୍କୁ ଗୋଟିଏ ଦିନରେ ଏହି ସୁବିଧା ଉପଲବ୍ଧ କରାଇବା ପାଇଁ ସଂଗଠନ ଦାବି କରିଛି।