ମହାନଦୀରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର

ବାରଙ୍ଗ: ନରାଜ ଆନିକଟର ପଥର ବନ୍ଧ ପାଖ ମହାନଦୀରୁ ନିଖୋଜ ଅନିଲ ସେଠୀଙ୍କ ଶବ ଉଦ୍ଧାର ହୋଇଛି। ଗତକାଲି କଟକ କାଳୀଗଳିର ଅନିଲ ପାଣିରେ ବୁଡ଼ିଯିବାରୁ ନିଖୋଜ ହୋଇଥିଲେ।

ମହାନଦୀରେ ପୁଣି ଗତକାଲି ଅଘଟଣ ଘଟିଥିଲା। ଗାଧୋଇବାକୁ ଆସିଥିବା ଜଣେ ଯୁବକ ନିଖୋଜ ଥିଲେ। ନିଖୋଜ ଯୁବକ ହେଲେ ଅନିଲ ସେଠୀ (୧୮)। ଅଶୋକ ସେଠୀଙ୍କ ପୁଅ ଅନିଲ ଗତକାଲି ନରାଜ ଆନିକଟର ବୁଢା ବନ୍ଧଠାରେ ସାଙ୍ଗମାନଙ୍କ ସହିତ ଗାଧୋଉଥିଲେ। ସେ ବୁଡ଼ିଯିବା ପରେ ଅଗ୍ନିଶମ ବାହିନୀଙ୍କୁ ସୂଚନା ଦିଆଯାଇଥିଲା। ଗତକାଲି ସର୍ଚ୍ଚ ଅପରେସନ ଜାରି ରହିଥିଲା। ଅନିଲଙ୍କ କୌଣସି ପତ୍ତା ମିଳି ନଥିଲା।