ପୁଣି ଏକ ବଡ଼ ସାଇବର ଠକେଇ : ଡାକ୍ତରଙ୍କ ଆକାଉଣ୍ଟରୁ ୭୭ ଲକ୍ଷ ଲୁଟିନେଲେ ସାଇବର ଠକ
କଟକ: ଡାକ୍ତରଙ୍କ ଆକାଉଣ୍ଟରେ କଳାକନା ବୁଲାଇଲେ ସାଇବର ଠକ। ଲୁଟିନେଲେ ୭୭ ଲକ୍ଷ ଟଙ୍କା । କଟକରୁ ଆସିଛି ଏଭଳି ଏକ ଚାଞ୍ଚଲ୍ୟକର ଖବର ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ସାଇବର ଠକାମିର ଶିକାର ହୋଇଥିବା ଡାକ୍ତର ଜଣକ ହେଉଛନ୍ତି ସନାତନ ମହାନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଡାକ୍ତରଙ୍କ ଫୋନକୁ ଏକ ଆଠ ଡିଜିଟ ନମ୍ବରରୁ କଲ କରିଥିଲା ସାଇବର ଠକ। ଆଉ ଏଟିଏମ କାର୍ଡ ଜରିଆରେ ନମ୍ବରରେ ରିଚାର୍ଜ ନ କଲେ ନମ୍ବର ବ୍ଲକ ହୋଇଯିବ ବୋଲି କହିଥିଲା। ଏହାକୁ ବିଶ୍ବାସ କରି ଯାଇଥିଲେ ଡା.ମହାନ୍ତି।
ଏହାପରେ ଭୟରେ ସନାତନ ମହାନ୍ତି ଗୁଗୁଲ ପ୍ଲେ ଷ୍ଟୋରରୁ ଏକ ଆପ ଡାଉନଲୋଡ କରିବା ସହ ଏଟିଏମ କାର୍ଡ ବ୍ୟବହାର କରି ରିଚାର୍ଜ କରିଥିଲେ । ଆଉ ତା’ପରେ କିଛି ସମୟ ଭିତରେ ପର୍ଯ୍ୟାୟକ୍ରମେ ତାଙ୍କ ଆକାଉଣ୍ଟରୁ କଟି ଚାଲିଲା ଟଙ୍କା । ଏହି ଭଳି ଭାବେ ୭୭ ଲକ୍ଷ ଟଙ୍କା ଉଭାନ୍ ହୋଇଗଲା। ଠକେଇର ଶିକାର ହେବା ପରେ ଏବେ ଡାକ୍ତର ତାଙ୍କ ଟଙ୍କା ଫେରିପାଇବା ପାଇଁ ସାଇବର ଥାନାରେ ଅଭିଯୋଗ କରିଛନ୍ତି ।