କୋଟପାଡ଼: କେରାପୁଟ ଜିଲ୍ଲା କୋଟପାଡ଼ ଥାନା ଅଂଚଳରେ ଜଣେ ନାବାଳିକାର ଝୁଲନ୍ତା ମୃତଦେହ ତେନ୍ତୁଳି ଗଛରୁ ଉଦ୍ଧାର ହୋଇଛି । ଥାନାରେ ଅଭିଯୋଗ ହେବା ପରେ ପୁଲିସ ସ୍ଥାନୀୟ ଅଂଚଳର ଜଣେ ଯୁବକଙ୍କୁ ଅଟକ ରଖି ପଚରାଉଚରା କରୁଛି । ନାବାଳିକାକୁ ଦୁଷ୍କର୍ମ ପରେ ହତ୍ୟା କରାଯାଇଥିବା ସ୍ଥାନୀୟ ଅଂଚଳର ଲୋକେ ସନ୍ଦେହ ପ୍ରକାଶ କରିଛନ୍ତି । କାରଣ ନାବାଳିକା ପିନ୍ଧିଥିବା ପୋଷାକ ଚିରିଯାଇଛି ।
Sambad is now on WhatsApp
Join and get latest news updates delivered to you via WhatsApp
କୋଟପାଡ଼ ଆଇଆଇସି ଉଲ୍ଲାସ ମାଝୀ କହିଛନ୍ତି, ନାବାଳିକା ଜଣକ ଗତକାଲି ରାତି ପ୍ରାୟ ସାଢେ ୧ଟାରେ ପରିଶ୍ରା କରିବା ଲାଗି ବାହାରକୁ ଯାଇଥିଲେ । ଏହା ପରଠାରୁ ସେ ଆଉ ଘର ଭିତରକୁ ଫେରି ନଥିଲେ । ପରିବାର ଲୋକେ ବହୁ ଖୋଜାଖୋଜି କରି ଶେଷରେ ବାଡ଼ି ପଛପଟରେ ଥିବା ତେନ୍ତୁଳି ଗଛରୁ ନାବାଳିକାର ଝୁଲନ୍ତା ମୃତଦେହ ଠାବ କରିଥିଲେ । ପରିବାର ଲୋକଙ୍କ ଠାରୁ ସୂଚନା ମିଳିବା ପରେ ପୁଲିସ ଘଟଣାସ୍ଥଳରେ ପହଂଚି ନାବାଳିକାର ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଛି । ପୋଷ୍ଟମର୍ଟମ ରିପୋର୍ଟ ଆସିବା ପରେ ଘଟଣାର ପ୍ରକୃତ କାରଣ ଜଣାପଡ଼ିବ ।
ଝିଅର ପ୍ରେମିକ ହିଁ ନାବାଳିକାର ହତ୍ୟାକାରୀ ବୋଲି କହିଛନ୍ତି ନାବାଳିକାର ପିତା । ପୁଲିସ ଏହି ଘଟଣାରେ ସନ୍ଦିଗ୍ଧ ଯୁବକଙ୍କୁ ଥାନାକୁ ଆଣି ପଚାରାଉଚରା କରୁଥିବା ବେଳେ ଏବେଯାଏଁ ପ୍ରକୃତ କାରଣ ଜଣାପଡ଼ି ନାହିଁ । ଏହି ଘଟଣାକୁ ନେଇ ସ୍ଥାନୀୟ ଅଂଚଳରେ ବିଭିନ୍ନ ଆଲୋଚନା ହେଉଛି ।