ଡିଏଭି ସ୍କୁଲର ନିଖୋଜ ନୃତ୍ୟ ଶିକ୍ଷକଙ୍କ ମୃତଦେହ ପିପିଲିରୁ ଉଦ୍ଧାର
ଭୁବନେଶ୍ୱର: ସ୍ଥାନୀୟ ଡିଏଭି ସ୍କୁଲର ନିଖୋଜ ନୃତ୍ୟ ଶିକ୍ଷକଙ୍କ ମୃତଦେହ ଗୁରୁବାର ପୁରୀ ଜିଲ୍ଲାର ପିପିଲି ନିକଟରୁ ଉଦ୍ଧାର ହୋଇଛି। ଦୁଇ ଦିନ ପୂର୍ବରୁ ନିଖୋଜ ହୋଇଥିବା ଡିଏଭି ପୋଖରୀପୁଟର ନୃତ୍ୟ ଶିକ୍ଷକ ବିକାଶ କୁମାର ନାୟକଙ୍କ ମୃତଦେହକୁ ପୁଲିସ ପିପିଲି ନିକଟ ଏକ ପଥର ଖଣିରୁ ଉଦ୍ଧାର କରିଛି। କୋରାପୁଟ ଜିଲ୍ଲାର କୋଟପାଡ ଅଞ୍ଚଳର ଶିକ୍ଷକ ନିଖୋଜ ହେବା ପରେ ତାଙ୍କର ପରିବାର ଲୋକେ ଥାନାରେ ଅଭିଯୋଗ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକେ ଆଜି ପଥର ଖଣିରେ ଏକ ମୃତଦେହ ପଡ଼ିଥିବା ଦେଖି ପୁଲିସକୁ ସୂଚନା ଦେଇଥିଲେ। ସୂଚନା ମିଳବା ପରେ ପୁଲିସର ଏକ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା। ଏଥି ସହିତ ପୁଲିସ ଘଟଣାସ୍ଥଳରୁ ବିକାଶ କୁମାରଙ୍କ ସ୍କୁଟର ଓ ପୋଷାକ ଜବତ କରିଛି। ପରିବାର ଲୋକେ ମୃତଦେହ ଚିହ୍ନିବା ପରେ ହତ୍ୟା ଅଭିଯୋଗ ଆଣିଛନ୍ତି।
ମୃତକଙ୍କ ଜଣେ ସଂପର୍କୀୟ କହିଛନ୍ତି, ବିକାଶ ପୋଖରିପୁଟରେ କିଛି ବର୍ଷ ହେବ ନିଜ ପରିବାର ସହିତ ରହିଆସୁଥିଲେ। ପରିବାରରେ ଏବେ ତାଙ୍କର ସ୍ତ୍ରୀ ଓ ପୁଅ ଅଛନ୍ତି। ପୁଲିସ ଘଟଣାର ତଦନ୍ତ କରୁଛି।