ଅଜଣା ବରିଷ୍ଠ ନାଗରିକଙ୍କ ଝୁଲନ୍ତା ମୃତଦେହ ଉଦ୍ଧାର

କଣ୍ଟାମାଳ: ବୌଦ୍ଧ ଜିଲ୍ଲା ମନମୁଣ୍ଡା ଥାନା ଜାତୀୟ ରାଜପଥ କଡ଼ରେ ଥିବା ଏକ ଗଛରୁ ଜଣେ ବରିଷ୍ଠ ନାଗରିକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ମନମୁଣ୍ଡା ପୁଲିସ ସୂଚନା ମୁତାବକ ୫୭ ନମ୍ବର ଜାତୀୟ ରାଜପଥ ଗୁଦଗୁଦା ନିକଟ ରାଜପଥ ପାର୍ଶ୍ବରେ ଥିବା ଜାମୁନାଳ ନିକଟରେ ଥିବା ଏକ ଗଛରେ ସାଇକେଲ ଟ୍ୟୁବ ସାହାଯ୍ୟରେ ଜଣେ ବରିଷ୍ଠ ନାଗରିକ ଆତ୍ମହତ୍ୟା କରିଥିବା ସ୍ଥାନୀୟ ଲୋକେ ଦେଖିଥିଲେ।

ସ୍ଥାନୀୟ ଲୋକଙ୍କର ଠାରୁ ଖବର ପାଇ ପୁଲିସ ଘଟଣା ସ୍ଥଳରେ ପୁଲିସ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏହା ଆତ୍ମହତ୍ୟା  ନା ହତ୍ୟା କରି ଆତ୍ମହତ୍ୟାର ରୂପ ଦିଆଯାଇଛି ଶବ ବ୍ୟବଚ୍ଛେଦ ରିପୋର୍ଟ ଆସିଲା ପରେ ସ୍ପଷ୍ଟ ହେବ ବୋଲି ପୁଲିସ ସୂଚନା ଦେଇଛି। ଏଯାଏଁ ବୃଦ୍ଧଙ୍କ ପରିଚୟ ମିଳି ନ ଥିବାରୁ ବ୍ୟବଚ୍ଛେଦ ପରେ ଶବକୁ ଚିହ୍ନଟ  ପାଇଁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାସ୍ଥିତ ଶବାଗାରରେ ୭୨ ଘଣ୍ଟା ପର୍ଯ୍ୟନ୍ତ ରଖାଯିବ। ଏହି ସମୟ ମଧ୍ୟରେ କେହି ଦାବିଦାର ନ ଆସିଲେ ପୁଲିସ ପଷରୁ ଶବ ସତ୍କାର କରାଯିବ ବୋଲି ମନମୁଣ୍ଡା ଭାରପ୍ରାପ୍ତ ଥାନାଧିକାରୀ ତୋଳାରାମ ମହାନନ୍ଦ ସୂଚନା ଦେଇଛନ୍ତି।