ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
ଖୋର୍ଦ୍ଧା: ଖୋର୍ଦ୍ଧା ଠାରୁ ପ୍ରାୟ ୮ କିମି ଦୂର ହଳଦିଆ ମହାବିଦ୍ୟାଳୟ ନିକଟ ଆମ୍ବ ବଗିଚା ମଧ୍ୟରୁ ଏକ ଯୁବକଙ୍କ ଝୁଲନ୍ତା ମୃତଦେହକୁ ପୁଲିସ ଉଦ୍ଧାର କରିଛି ।
ସୂଚନାନୁସାରେ, ଆଜି ସକାଳେ ମହାବିଦ୍ୟାଳୟର କର୍ମଚାରୀ ଓ ଛାତ୍ରଛାତ୍ରୀମାନେ ଏକ ମୃତ ଦେହ ମହାବିଦ୍ୟାଳୟ ନିକଟ ଆମ୍ବ ବଗିଚାର ଏକ ଆମ୍ବଗଛରେ ଛୁଲୁଥିବା ଦେଖି ପୁଲିସକୁ ଖବର ଦେଇଥିଲେ । ସୂଚନା ପାଇ ଖୋର୍ଦ୍ଧା ଟାଉନ୍ ଥାନା ପୁଲିସ ଘଟଣାସ୍ଥଳରେ ପହଂଚି ମୃତ ଦେହକୁ ଜବତ କରିଥିଲା । ଅନୁସନ୍ଧାନରେ ମୃତ ଯୁବକଙ୍କ ନାମ ଶିବ ପ୍ରସାଦ ସାହୁ ଓ ତାଙ୍କ ଘର ହଳଦିଆ ନିକଟ ବ୍ରାହ୍ମଣବେରଣା । ସେ ଗତକାଲି ଅପରାହ୍ଣ ୨ଟାରୁ ଘରୁ ବାହାରି ଆସିଥିଲେ, କିନ୍ତୁ ରାତିରେ ନଫେରିବାରୁ ପରିବାର ସଦସ୍ୟ ଓ ସାଙ୍ଗସାଥୀ ତାଙ୍କୁ ଖୋଜାଖୋଜି କରୁଥିଲେ । ଏହି ସମୟରେ ଝୁଲନ୍ତା ମୃତଦେହର ଖବର ପାଇ ପରିବାର ଲୋକ ସେଠାରେ ପହଂଚି ଶିବଙ୍କୁ ଚିହ୍ନଟ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ବ୍ୟବଚ୍ଛେଦ କରି ମୃତଦେହକୁ ପରିବାର ସଦସ୍ୟଙ୍କୁ ହସ୍ତାନ୍ତର କରିଛି । ପ୍ରାଥମିକ ଅନୁସନ୍ଧାନରେ ଶିବ କୌଣସି କାରଣରୁ ମାନସିକ ଚାପରେ ଥିବାରୁ ଏହା ଆତ୍ମହତ୍ୟା ହୋଇଥାଇପାରେ ବୋଲି ପୁଲିସ ସନେ୍ଦହ କରୁଛି । ତେବେ ଏନେଇ ଅନୁସନ୍ଧାନ ଜାରି ରହିଛି ବୋଲି ଥାନା ସୂତ୍ରରୁ ଜଣାଯାଇଛି ।