ମାଲକାନଗିରି: ଦିବାଲୋକରେ ମହିଳାଙ୍କ ତଣ୍ଟି କାଟିଲେ ଦୁର୍ବୃତ୍ତ, ଟଙ୍କା-ସୁନା ନେଇ ଚମ୍ପଟ୍
ମାଲକାନଗିରି: କାଲିମେଳା ବ୍ଲକ ଏମ୍ଭି-୭୯ରେ ବୁଧବାର ଜଣେ ମହିଳାଙ୍କୁ ଅତି ନିର୍ଦୟ ଭାବରେ ଗଳା କାଟି ହତ୍ୟା କରାଯାଇଛି। ଏହି ଲୋମହର୍ଷଣକାରୀ ଘଟଣା ଆଜି ମଧ୍ୟାହ୍ଣ ପ୍ରାୟ ୧୨ଟା ବେଳେ ଏମ୍ଭି-୭୯ରେ ବସବାସ କରୁଥିବା ଚିନାମ କରାମି ନାମକ ମହିଳାଙ୍କ ଜୀବନ ଯାଇଛି। ସୂଚନା ଅନୁସାରେ ମହିଳା ଜଣକ ଘରେ ଏକା ଥିବା ବେଳେ କେହି ଦୁର୍ବୁତ୍ତ ଘରେ ପଶି ତାଙ୍କୁ ଗଳା କାଟି ହତ୍ୟା କରିଥିବା ସହ ଘରେ ଥିବା ସୁନା ଓ ଟଙ୍କା ଲୁଟ କରିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଚିନାମଙ୍କ ସ୍ୱାମୀ ଆନ୍ଧ୍ରପ୍ରଦେଶରେ ଶ୍ରମିକ ଭାବେ କାମ କରୁଥିଲେ। ସେଥି ପାଇଁ ଚିନାମ ନିଜ ଭଉଣୀଙ୍କ ସହ ଏମ୍ଭି-୭୯ରେ ରହୁଥିଲେ। ଆଜି ତାଙ୍କ ଭଉଣୀ ବଜାରକୁ ଯାଇଥିବା ବେଳେ ଏଭଳି କାଣ୍ଡ ହୋଇଛି। ଭଉଣୀ ବଜାରକୁ ଯିବା ପରେ ଦୁର୍ବୃତ୍ତମାନେ ସୁଯୋଗ ଦେଖି ଘର ଭିତରକୁ ପ୍ରବେଶ କରିଥିଲେ। ଖବର ପାଇ ଏମ୍ଭି-୭୯ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।