ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର
ବେଗୁନିଆ: ଖୋର୍ଦ୍ଧା ଜିଲ୍ଳା ସଦର ଥାନା ଅନ୍ତର୍ଗତ ଦୁର୍ଗାପୁର ପଂଚାୟତର ବୋତଳମା ରେଳ ଧାରଣା ନିକଟ ଥିବା ଏକ ଗଛରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକ ହେଲେ ଆଠଗଡ଼ ଅଚଳର ବିଜୟ ବେହରା । ସେ ଦୀର୍ଘ ଦିନ ଧରି ଖୋର୍ଦ୍ଧା ଜିଲ୍ଲାପାଳ କାର୍ଯ୍ୟାଳୟ ନିକଟସ୍ଥ କୋଣାର୍କନଗରରେ ତାଙ୍କ ଶଶୁର ଘରରେ ରହିଆସୁଥିଲେ । କିନ୍ତୁ ଅଧିକ ଧାରକରଜ କରିଥିବାରୁ ସେ ମାନସିକ ଭାରସାମ୍ୟ ହରାଇ ଏପରି କରିଥିବା ସୂଚନା ମିଳୁଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ଆଜି ସକାଳୁ ସଦର ଥାନା ଅନ୍ତର୍ଗତ ବୋତଳମା ରେଳ ଧାରଣା ଏକ ଗଛରେ ଜଣେ ଯୁବକଙ୍କ ମୃତଦେହ ଝୁଲୁଥିବା ସହ ପାଖରେ ଏକ ଗାଡ଼ି ଥିବା ଦେଖିଥିଲେ ଗ୍ରାମବାସୀ । ମୃତଦେହ ଦେଖି ପୁଲିସକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ପୁଲିସ ପହଞ୍ଚି ମୃତଦେହକୁ ଜବତ କରି ପଂଚନାମା ପାଇଁ ପଠାଇ ଅଧିକ ତଦନ୍ତ ଜାରି ରଖିଛି ।