ଝୁଲନ୍ତା ଅବସ୍ଥାରେ ଉଦ୍ଧାର ହେଲା ଯୋଗାଣ ସହାୟକଙ୍କ ଶବ
ପାତ୍ରପୁର: ଜରଡ଼ା ଥାନା ପାତ୍ରପୁର ବ୍ଲକ୍ ଅନ୍ତର୍ଗତ ପଦାଦିଗି ପଞ୍ଚାୟତର ଯୋଗାଣ ସହାୟକ ଶ୍ରୀକାନ୍ତ ମହାରଣାଙ୍କ ଶବକୁ ଆଜି ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ସେ ଘରର ଉପର ମହଲାରେ ଏକୁଟିଆ ଶୋଇଥିଲେ। କିନ୍ତୁ ସକାଳେ ନ ଉଠିବାରୁ ପରିବାରବର୍ଗ କବାଟ ବାଡ଼େଇଥିଲେ। ନଖୋଲିବାରୁ କବାଟ ଭାଙ୍ଗି ଦେଖିବା ବେଳକୁ ପଙ୍ଖାରେ ସେ ଝୁଲୁଥିବା ଦେଖିବାକୁ ମିଳିଥିଲା। ବେକରେ ଶୀତବସ୍ତ୍ର ବନ୍ଧାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ପାତ୍ରପୁର ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସାନଭାଇ ସୁଶାନ୍ତଙ୍କ ଏତଲା କ୍ରମେ କେସ୍ ନମ୍ବର ୪ ଅନୁସାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ମୃତ ଶ୍ରୀକାନ୍ତଙ୍କ ମୋବାଇଲ୍କୁ ପୁଲିସ ଜବତ କରିଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ପ୍ରକୃତ କାରଣ ଜଣାପଡ଼ିବ ବୋଲି ଥାନାଧିକାରୀ ଭବାନନ୍ଦ ପ୍ରଧାନ ସୂଚନା ଦେଇଛନ୍ତି।