ଲକ୍ଷ୍ନୌରେ ଦାଦନ ଶ୍ରମିକଙ୍କ ଅତ୍ମହତ୍ୟା ଘଟଣା: ୫ ଦିନ ପରେ ଘରକୁ ଫେରିଲା ମୃତଦେହ
ନୂଆପଡ଼ା: କୋମନା ଥାନା ଅନ୍ତର୍ଗତ ସମରସିଂ ଗ୍ରାମର ପାଣ୍ଡବ ବିଭାର (୪୨) ଲକ୍ଷ୍ନୌର ନିଗାଓ ଥାନା ବରବଙ୍ଗ ଠାରେ ଇଟାଭାଟିରେ କାମକରିବାକୁ ଯାଇଥିବା ବେଳେ ସେଠାରେ ଏକ ଗଛରେ ୧୭ ତାରିଖ ଦିନ ଆତ୍ମହତ୍ୟା। କରିଥିଲେ। ହେଲେ ଦାଦନ ଶ୍ରମିକଙ୍କ ୫ ଦିନ ପରେ ଶୁକ୍ରବାର ସଦ୍ଧ୍ୟାରେ ନିଜ ଗାଁକୁ ପହଞ୍ଚିଥିବା ପରିବାର ଲୋକ ଅଭିଯୋଗ କରିଛନ୍ତି। ଇଟାଭାଟି ମାଲିକ ଆତ୍ମହତ୍ୟା ପରେ ଆସି ନ ଥିବାରୁ ସ୍ତ୍ରୀ ସହ ୨ ପିଲା ୫ ଦିନ ମୃତଦେହ ପାଖରେ ରହି ନିଜ ଟଙ୍କାରେ ଏକ ଆମ୍ବୁଲାନ୍ସରେ ଘରକୁ ଆଣିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସମରସିଂ ଗ୍ରାମର ପାଣ୍ଡବ ବିଭାର (୪୨) ତାଙ୍କ ସ୍ତ୍ରୀ ରୁକ୍ମିଣୀ, ପୁଅ ଗଜେନ୍ଦ୍ର (୬), ଝିଅ (୪) ଗତ ୧୪ ତାରିଖ ଦିନ ସ୍ଥାନୀୟ ୨ ଜଣ ଦଲାଲାଙ୍କ ସହ ଉତ୍ତରପ୍ରଦେଶର ଲକ୍ଷ୍ନୌ ନିଗାଓ ଥାନା ବରବଙ୍ଗ ଠାରେ ଇଟାଭାଟିରେ କାମକରିବାକୁ ଯାଇଥିଲେ। ସେଠାରେ ୧୬ ତାରିଖ ଦିନ ପହଞ୍ଚିଥିଲେ। ପରେ ବରବଙ୍ଗ ଠାରୁ ପରିବାରଙ୍କୁ ଛାଡି ୧୭ ତାରିଖ ଦିନ ପାଖରେ ଥିବା ବଜାରକୁ ଯାଇ ଆଉ ଫେରି ନ ଥିଲେ। ୧୮ ତାରିଖ ସକାଳେ ନିଗାଓ ପୁଲିସ ଏକ ଗଛରୁ ଝୁଲନ୍ତା ମୃତଦେହ ଉଦ୍ଧାର କରିଥିଲା । ପରେ ସେଠାକାର ପୁଲିସ ଏକ ଅପମୃତ ମାମଲା ରୁଜୁ କରି ମୃତଦେହ ବ୍ୟବଛେଦ କରିଥିଲ। ସ୍ତ୍ରୀ ପାଖରେ ଟଙ୍କା ନଥିବାରୁ ମୃତଦେହ ସେଠାରେ ପଡି ରହିଥିବା ବେଲେ ଆଜି ସନ୍ଧ୍ୟାରେ ଗାଁକୁ ପହଞ୍ଚିଛି।