ରେଳ ଧାରଣାରୁ ମୃତଦେହ ଉଦ୍ଧାର

ଟିଟିଲାଗଡ଼: ବଲାଙ୍ଗୀର ଜିଲ୍ଲା ଟିଟିଲାଗଡ଼ ଷ୍ଟେସନ ଟେନେରି ପଡ଼ା ନିକଟ ରେଳ ଧାରଣାର ୨୦୪ ନମ୍ବର ସିଗ୍‌ନାଲ ଖୁଣ୍ଟଠାରେ ଏକ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା। ସୂଚନା ପାଇ ରେଳବାଇ ପୁଲିସ ସେଠାରେ ପହଞ୍ଚି ଶବ ଜବତ କରି ଘଟଣାର ଅନୁସନ୍ଧାନ ଚଳାଇଥିଲା।

ମୃତବ୍ୟକ୍ତି ଜଣକ ଏମ୍‌. ରାମପୁର ଥାନା କନକପୁର ଗ୍ରାମ ନିବାସୀ ରାମେଶ୍ବର ସାହୁଙ୍କ ପୁଅ ଚନ୍ଦ୍ରମଣି ସାହୁ (୩୨) ବୋଲି ଜଣାପଡ଼ିଥିଲା। ବ୍ୟବଚ୍ଛେଦ ପରେ ମୃତକଙ୍କ ପରିବାର ଲୋକଙ୍କୁ ଶବ ହସ୍ତାନ୍ତର କରାଯାଇଥିବା ସୂଚନା ମିଳିଛି।