ଜଗତସିଂହପୁର: ଜଗତସିଂହପୁର ଜିଲ୍ଲା ବିରିଡି ଥାନା ଶଙ୍କରପୁର ଗ୍ରାମରୁ ଅପହରଣ ଶିଶୁର ମୃତଦେହ ନିକଟସ୍ଥ କେନାଲରୁ ମିଳିଥିବାବେଳେ ପୁଣି ଏକ ଶିଶୁର ମୃତଦେହକୁ ଜଗତସିଂହପୁର ସଦର ଥାନା ପଣ୍ଡା ସାହି ଛକ ନିକଟ ଟେନ୍-ଇ କେନାଲ କଡ଼ରୁ ପୁଲିସ ଉଦ୍ଧାର କରିଛି । ଶିଶୁଟିକୁ କେହି ହତ୍ୟା କରି ଫିଙ୍ଗି ଦେଇଥିବା ଅନୁମାନ କରାଯାଉଛି । ସ୍ଥାନୀୟ ଲୋକେ ଏହାକୁ ଦେଖି ପୁଲିସକୁ ଖବର ଦେବା ପରେ ଘଟଣାସ୍ଥଳରେ ପୁଲିସ ପହଞ୍ଚି ଶିଶୁଟିର ଶବକୁ ଜବତ କରିବା ସହିତ ତଦନ୍ତ ଆରମ୍ଭ କରିଛି । ତେବେ କେନାଲରେ ପାଣି କମ ଥିବାବେଳେ ଶିଶୁଟିର ମୃତ ଦେହ ସେଠାକୁ କିପରି ଆସିଲା ଏହାକୁ ନେଇ ସନ୍ଦେହ ପ୍ରକାଶ ପାଇଛି। ମୃତ ଶିଶୁଟିର ହାତ ଓ ଗୋଡ଼ ନଥିବାରୁ କେହି ନିର୍ମମ ଭାବେ ଶିଶୁଟିକୁ ହତ୍ୟାକରି ସେଠାରେ ଫିଙ୍ଗି ଦେଇଥିବା ଅନୁମାନ କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ଜଗତସିଂହପୁର ଜିଲ୍ଲା ବିରିଡି ଥାନା ଶିବପୁର ପଞ୍ଚାୟତର ଶଙ୍କରପୂର ଗାଁରେ ଦୁଇ ବର୍ଷର ଶିଶୁ ପୁତ୍ର ଖେଳୁଥିବା ସମୟରେ ନିଖୋଜ ହେବାର ୩ ଦିନ ପରେ ଘର ନିକଟସ୍ଥ ଏକ କେନାଲରୁ ମୃତ ଦେହ ଉଦ୍ଧାର କରାଯାଇଛି । ମୃତଦେହକୁ ପୁଲିସ ଉଦ୍ଧାର କରିବା ପରେ ବ୍ୟବଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି । ଶିଶୁଟିକୁ କେହି ହତ୍ୟା କରି କେନାଲରେ ଫିଙ୍ଗି ଦେଇ ଥିବାର ସନ୍ଦେହ କରାଯାଉଛି । ଦୁଇ ବର୍ଷର ଶିଶୁ ବାପୁନ ନିଖୋଜର ଅପହରଣର ତିନି ଦିନ ପରେ ଘର ନିକଟସ୍ଥ କେନାଲରୁ ତାର ମୃତ ଦେହ ଉଦ୍ଧାର ହୋଇଛି । ଶିଶୁଟି କିପରି ସେଠାକୁ ଗଲା କି କେହି ତାକୁ ହତ୍ୟା କରି କେନାଲକୁ ଫିଙ୍ଗି ଦେଇଛି ତାହା ଜଣା ପଡ଼ିନାହିଁ ।
ସ୍ଥାନୀୟ ମଙ୍ଗଳପୂର ଗାଁର କହ୍ନେଇଲାଲ ଭୋଇଙ୍କ ପୁଅ ସୌମ୍ୟରଂଜନ ଓରଫ ବାପୁନ, ମାଆ ଶୁନୁଲତା ଭୋଇଙ୍କ ସହ ମାମୁଁ ଘର ଶଙ୍କରପୂର ଗାଁକୁ କିଛି ଦିନ ହେଲା ଆସି ସେଠାରେ ରହୁଥିଲେ । ଗତ ସୋମବାର ଦିନ ମଧ୍ୟାହ୍ନରେ ପୁଅ ଦାଣ୍ଡରେ ଖେଳୁଥିବା ସମୟରେ ଆଉ ପୁଅକୁ ପାଇନଥିଲେ । ତେବେ ବାପୁନକୁ କେହି ଅପହରଣ କରି ନେଇ ଥିବାର ପରିବାର ଲୋକେ ବିରିଡି ଥାନାରେ ଅଭିଯୋଗ କରିବା ପରେ ପୁଲିସ ତଦନ୍ତ ଆରମ୍ଭ କରିଥିଲା । ଗତକାଲି ସନ୍ଧାନୀ କୁକୁରର ମଧ୍ୟ ସାହାଯ୍ୟ ନିଆଯାଇଥିଲା । ସନ୍ଧାନୀ କୁକୁର ଘର ନିକଟସ୍ଥ କେନାଲ ପାଖକୁ ଶୁଙ୍ଘି ଶୁଙ୍ଘି ଯିବା ପରେ ସନ୍ଦେହ ଅଧିକ ଘନୀଭୂତ ହୋଇଥିଲା । ତେବେ ପୁଲିସ ତଦନ୍ତ ଚଳାଇଥିବାବେଳେ ଆଜି ଶିଶୁଟିର ମୃତଦେହ କେନାଲରୁ ଉଦ୍ଧାର କରାଯାଇଛି ।