ଖୋର୍ଦ୍ଧା : ଖୋର୍ଦ୍ଧା ଜିଲ୍ଲା ଶିଶୁ ସୁରକ୍ଷା ୟୁନିଟରେ ଦୀର୍ଘ ବର୍ଷ ଧରି କାର୍ଯ୍ୟ କରୁଥିବା ଚୁକ୍ତି ଭିତ୍ତିକ କର୍ମଚାରୀଙ୍କୁ ନିୟମିତ କର୍ମଚାରୀର ମାନ୍ୟତା ଦେବା ପାଇଁ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳ ସନତ କୁମାର ମହାନ୍ତିଙ୍କୁ ପ୍ରଦାନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ୟୁନିଟ୍ର ମୁଖ୍ୟ ଏନେଇ କହିଛନ୍ତି ଯେ ୨୦୧୩ଠାରୁ ଜିଲ୍ଲାରେ ଶିଶୁ ସୁରକ୍ଷା ୟୁନିଟର କର୍ମଚାରୀ ରାଜ୍ୟ ସରକାରଙ୍କ ଅଧୀନରେ କାମକରୁଛନ୍ତି । ଅନ୍ୟ ନିୟମିତ କର୍ମଚାରୀଙ୍କ ଭଳି କାମ କରୁଥିଲେ ମଧ୍ୟ ସେମାନଙ୍କ ଦରମା ସର୍ବନିମ୍ନ ମଜୁରୀ ଠାରୁ ମଧ୍ୟ କମ୍ । ଏନେଇ ବିଭିନ୍ନ ସମୟରେ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରାଯାଇଛି, କିନ୍ତୁ ଏଯାଏଁ କୌଣସି ପଦକ୍ଷେପ ନିଆଯାଇନାହିଁ । ଅନ୍ୟ ରାଜ୍ୟଗୁଡ଼ିକ ଯେପରି-ବିହାର, ରାଜସ୍ଥାନ, କେରଳ, ମଣିପୁର ଆଦିରେ କର୍ମଚାରୀଙ୍କୁ ନିୟମିତ କରାଯାଇଛି ଓ ଅନ୍ୟ କେତେକ ରାଜ୍ୟରେ ନିୟମିତ ନହେଲେ ହେଁ ଉଚ୍ଚ ଦରମା ଦିଆଯାଉଛି । କିନ୍ତୁ ଓଡ଼ିଶାରେ ୮ ବର୍ଷ ବିତିଯାଇଥିଲେ ମଧ୍ୟ କର୍ମଚାରୀଙ୍କୁ କୌଣସି ସୁବିଧା ଦିଆଯାଉନାହିଁ ।