ଯାତ୍ରା ପଡ଼ିଆକୁ ସ୍କୁଲକୁ ହସ୍ତାନ୍ତର ନକରିବାକୁ ଦାବି
ଖୋର୍ଦ୍ଧା : ନନ୍ଦନକାନନ ଥାନା ଅଧୀନ ରଘୁନାଥପୁର ଗାଁ ମଧ୍ୟଭାଗରେ ଥିବା ଏକ ପଡ଼ିଆକୁ ଗାଁ ସ୍କୁଲକୁ ହସ୍ତାନ୍ତର କରିବା ସହ ଏହା ଚାରିପଟେ ପାଚେରୀ ନିର୍ମାଣକୁ ଗାଁର କେତେକ ବିରୋଧ କରି ଜିଲ୍ଲାପାଳଙ୍କୁ ଦାବିପତ୍ର ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗାଁର ପ୍ରଶାନ୍ତ ପାଣି, ରଂଜନ କୁମାର ଦାଶ, ଦୀପକ ଶସାମଲ, ଜଗନ୍ନାଥ ଜେନା ପ୍ରମୁଖ ଏନେଇ ଅତିରିକ୍ତ ଜିଲ୍ଲାପାଳଙ୍କୁ ସାକ୍ଷାତ କରି ହସ୍ତାନ୍ତର ଓ ପାଚେରୀ ନିର୍ମାଣ ଜନିତ ସମସ୍ୟା ସମ୍ପର୍କରେ ଅବଗତ କରାଇଛନ୍ତି । ସେମାନଙ୍କ କହିବା କଥା ହେଲା, ଉକ୍ତ ଜମିଟି ଦୀର୍ଘ ଦିନ ଧରି ଗାଁର ଯାତ୍ରା-ମେଲଣ, ଭୋଜିଭାତ ଓ ଯାନବାହାନ ଆଦି ରଖିବା ପାଇଁ ବ୍ୟବହୃତ ହୋଇଆସୁଛି । ପଡ଼ିଆ ମଧ୍ୟରେ ଥିବା କୂଅରୁ ଅନେକ ପାଣି ପାଇଁ ବ୍ୟବହାର କରିଥାନ୍ତି । ବର୍ତମାନ ଏହି ପଡ଼ିଆଟିକୁ ସ୍ଥାନୀୟ ୟୁଜିଏମ୍ଇ ସ୍କୁଲକୁ ହସ୍ତାନ୍ତର କରିବାକୁ ପଂଚାୟତ ପକ୍ଷରୁ ନିଷ୍ପତ୍ତି ନିଆଯାଇଛି । କେବଳ ଏହାନୁହେଁ ଏହି ପଡ଼ିଆ ଚାରିପଟେ ପାଚେରୀ ନିର୍ମାଣ ପାଇଁ ଯୋଜନା ହୋଇଛି । ଯଦି ପାଚେରୀ ନିର୍ମାଣ କରାଯାଏ ତେବେ ଗାଁର ସାମୂହିକ କାର୍ଯ୍ୟପାଇଁ ବ୍ୟବହୃତ ସ୍ଥଳରେ ବିଭିନ୍ନ କାର୍ଯ୍ୟପାଇଁ ସମସ୍ୟା ସୃଷ୍ଟି ହେବ ।