ଢେଙ୍କାନାଳ : ଢେଙ୍କାନାଳରେ ବନ୍ଧୁକ ବିକ୍ରି ବେଳେ ଦୁଇଜଣ ଚୋରା ବନ୍ଧୁକ ବେପାରୀ ପୁଲିସ ହାତରେ ଧରାପଡ଼ିଥିବା ଜଣାଯାଇଛି । ହାତତିଆରି ଚୋରା ବନ୍ଧୁକ କାରବାର ହେଉଥିବା ଗୁଇନ୍ଦା ସୂଚନା ମିଳିବା ପରେ ଚଢଉ କରି ଭାପୁର ନିକଟରୁ ସେମାନଙ୍କୁ ଗିରଫ କରିଛି ଏସଟିଏଫ ଟିମ୍ ।
Sambad is now on WhatsApp
Join and get latest news updates delivered to you via WhatsApp
ସେମାନେ ଫଟୋ ଦେଖାଇ ବନ୍ଧୁକ ଡିଲ୍ ପରେ ବିକ୍ରି କରୁଥିବାବେଳେ ସେମାନେ ଧରା ପଡ଼ିଥିଲେ । ସେମାନଙ୍କଠାରୁ ୯ଟି ଦେଶୀ ବନ୍ଧୁକ ସହ ଗୋଟିଏ ରିଭଲଭର ଜବତ କରିଛି ଏସଟିଏଫ ଟିମ୍ । ଏହି ଘଟଣାରେ କାଳନ୍ଦୀ ନାୟକ ଓ ଶ୍ୟାମସୁନ୍ଦର ସେଠୀଙ୍କୁ ଗିରଫ କରାଯାଇଛି । ୨୦୨୦ରୁ ଏଯାବତ ଜବତ ହେଲାଣି ୫୬ଟି ଚୋରା ବନ୍ଧୁକ ସହ ୯୬ ରାଉଣ୍ଡ ଗୁଳି ।
ପ୍ରାରମ୍ଭିକ ତଦନ୍ତ ବେଳେ ଜଣାପଡ଼ିଛି ଯେ ଢେଙ୍କାନାଳ ଅଞ୍ଚଳରେ କେତେକ ଅପରାଧୀ ବନ୍ଧୁକ ତିଆରି ଓ ଚୋରା ଚାଲାଣରେ ଲିପ୍ତ ଅଛନ୍ତି । ସେମାନଙ୍କୁ ଧରିବାକୁ ଅଭିଯାନ ଆରମ୍ଭ ହୋଇଛି ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି ।