କାମାକ୍ଷାନଗର: ବର୍ଷା ଜଳ ନିଷ୍କାସନ ପ୍ରସଙ୍ଗକୁ ନେଇ ଢେ଼ଙ୍କାନାଳ ଜିଲ୍ଲା ପରଜଙ୍ଗ ବ୍ଲକର ପିତିରିରେ ଗ୍ରାମବାସୀଙ୍କ ଦ୍ବାରା ଜାତୀୟ ରାଜପଥ ୫୩ ଅବରୋଧ କରାଯାଇଥିଲା। ତେବେ ଗତକାଲି ରାତି ପ୍ରାୟ ୧୦ଟା ବେଳେ ସ୍ଥାନୀୟ ପ୍ରଶାସନିକ ଅଧିକାରୀଙ୍କ ବୁଝାଶୁଝା ପରେ ରାସ୍ତାରୋକ ହଟିଥିବାର ସୂଚନା ମିଳିଛି।

Advertisment

ସୂଚନାଯୋଗ୍ୟ, ବର୍ଷା ଜଳ ନିଷ୍କାସନ ହୋଇନପାରି ପରଜଙ୍ଗର ପିତିରିରେ ଘରେ ପାଣି ପଶିବାରୁ ଜାତୀୟ ରାଜପଥ ସମ୍ପ୍ରସାରଣ ପାଇଁ ଗାଁ ପାଖରେ ପୂର୍ବରୁ ଥିବା ଡ୍ରେନ ପୋତି ହୋଇଯାଇଥିଲା।  ଏହାଫଳରେ ବର୍ଷା ପାଣି ନିଷ୍କାସନ ହୋଇ ପାରୁନଥିବାର ଅଭିଯୋଗ ହୋଇଥିଲା। ଲୋକଙ୍କ ଘରେ ପାଣି ପଶି ଯାଇଛି ଯାହାକୁ ନେଇ ପିତିରିର ଗ୍ରାମବାସୀମାନେ ରାସ୍ତାରୋକ କରିଥିଲେ। ଏହି ରାଜପଥ ୫୩ ଅବରୋଧ ଫଳରେ ଯାଜପୁର -କାମାକ୍ଷାନଗର-ତାଳଚେର-ଅନୁଗୁଳ ରାସ୍ତାରେ ଗାଡ଼ି ଚଳାଚଳ ସମ୍ପୂର୍ଣ୍ଣ ଭାବରେ ଠପ୍ ହୋଇଯାଇଥିଲା।