‘ତୋ ଭିତରେ ମୁଁ ରହିଛି, ମୋ ଭିତରେ ତୁ ରହିଛୁ, ତତେ ଛାଡି ରହିପାରେନା, ଛାତିରେ ଲେଖିଛି ତୋରି ନାଁ’ ସବ୍ୟସାଚୀ ଓ ବର୍ଷା ପ୍ରିୟଦର୍ଶିନୀଙ୍କ ଅଭିନୀତ ଫିଲ୍ମ ‘ଛାତିରେ ଲେଖିଛି ତୋରି ନାଁ’ର ଶୀର୍ଷକ ଗୀତ ତ ଆପଣ ଶୁଣିଥିବେ | ଏଥିରେ ସବ୍ୟସାଚୀ କେବଳ ଅଭିନୟ କରିଥିଲେ | ହେଲେ ସେହି ଦିନଠାରୁ ପ୍ରେମକୁ କିଭଳି ଛାତିରେ ବି ଲିପିବଦ୍ଧ କରି ରଖିହେବ ସେହି ଚିନ୍ତାରେ ପଡିଯାଇଥିଲେ ଏହି ଯୁବକ | ଗୀତିକାର ଅରୁଣ ମନ୍ତ୍ରୀ ଗୀତ ଲେଖିଥିଲେ ସତ କିନ୍ତୁ ବାସ୍ତବରେ ଛାତିରେ ଖୋଦେଇଦେଇଥିଲେ ପ୍ରେମିକାଙ୍କ ନାମ | କେବଳ ନାମ ନୁହେଁ ବରଂ ତାଙ୍କ ଫଟୋର ଟାଟୁକୁ ବି ଖୋଦେଇଥିଲେ |
Sambad is now on WhatsApp
Join and get latest news updates delivered to you via WhatsApp
ଗତକାଲି ସମ୍ବଲପୁରର ଜମନକିରାରେ ଏମିତି ଜଣେ ପ୍ରେମିକଙ୍କୁ ପୁଲିସ ଅଟକ ରଖିଥିଲା ଯାହାଙ୍କ ନାମରେ ଟ୍ରକ ଡ୍ରାଇଭରଙ୍କୁ ମାରପିଟ ଭଳି ଅଭିଯୋଗ ଆସିଥିଲା | ଆଉ ଲୋକ ଯେତେବେଳେ ଟ୍ରକ ଡ୍ରାଇଭରଙ୍କୁ ଉକ୍ତ ଯୁବକ ଓ ତାଙ୍କ ସାଙ୍ଗ ମାଡ ମାରୁଥିବାର ଦେଖିଥିଲେ, ସେତେବେଳେ ସେମାନେ ନିର୍ଧୁମ ଛେଚିଥିଲେ | ପୁଲିସ ଯେତେବେଳେ ତାଙ୍କୁ ଗାଡ଼ିରେ ବସାଇ ନେଇଥିଲା ସେତେବେଳେ ଯୁବକ ଜଣକ ଟାଟୁକୁ ଲୁଚାଉଥିବାର ଦେଖିବାକୁ ମିଳିଥିଲା |
‘ଅପରାଧ କରିଛି ମତେ ଦେଖ, ଛାତିରେ ଆଙ୍କିଥିବା ପ୍ରିୟାର ଚିତ୍ର ଆଡେ ନଜର ପକାଅନି’ ଏହି କଥା ଯେମିତି ଯୁବକ ଜଣକ କହିବାକୁ ଚାଁହୁଥିଲେ | ଛାତିରେ ପ୍ରିୟାର ଟାଟୁ ସହ ଆଇ ଲଭ ୟୁ ପୂଜା ଲେଖାଥିବାବେଳେ, ଅପରାଧ କଲେ ବି ମୋର ହୃଦୟ ଅଛି | ଅପରାଧ କରିବାକୁ ସିନା ଡର ଲାଗୁନାହିଁ, ପ୍ରିୟାକୁ ଆଉ ଯେମିତି କେହି ନ ଦେଖନ୍ତୁ ସେ କଥା ବୋଧେ ସେ କହିବାକୁ ଚାଁହୁଥିଲେ | ସିନେମାର ରିଲ କାହାଣୀ ବନାମ ରିୟଲ ପ୍ରେମିକଙ୍କ ଷ୍ଟୋରି ସତରେ ନିଆରା |