ଖୋର୍ଦ୍ଧା : ଖୋର୍ଦ୍ଧା ବ୍ଲକ ନରଣଗଡ଼ ପଂଚାୟତର କୁଣ୍ଡକୁଣ୍ଡି ପାହାଡ଼କୁ ଓଡ଼ିଶା ଖଣି ନିଗମକୁ ପ୍ରଦାନ କରିବା ଓ ଅଂଚଳର ଶ୍ରୀଜଗନ୍ନାଥଙ୍କ ମାର୍ଫତରେ ଥିବା ଭୋଗ ଜମିକୁ ରାଜ୍ୟ ସରକାରଙ୍କ ମାର୍ଫତରେ ପରିବର୍ତନ କରିବା ଦାବିରେ ଚାଲିଥିବା ଆନେ୍ଦାଳନ ନେଇ ଆସନ୍ତାକାଲି ଶ୍ରୀମନ୍ଦିର ପ୍ରଶାସନ, ଜିଲ୍ଲା ପ୍ରଶାସନ ଓ ନରଣଗଡ଼ ଭିଟାମାଟି ସଂଗ୍ରାମ ସମିତି ମଧ୍ୟରେ ଆଲୋଚନା ହେବ ।
Sambad is now on WhatsApp
Join and get latest news updates delivered to you via WhatsApp
ଏନେଇ ସୂଚନା ଦେଇ ସଂଗ୍ରାମ ସମିତିର ସଭାପତି ଗୋଦାବରୀଶ ଗୁମାନସିଂହ କହିଛନ୍ତି ଯେ ଉକ୍ତ ପାହାଡ଼ରୁ ପଥରରେ ସେମାନେ ପାରମ୍ପରିକ ଭାବେ ପଥର ମୂର୍ତି, ଶିଳ ଓ ଅନ୍ୟ ପଥର ସାମଗ୍ରୀ ପ୍ରସ୍ତୁତ କରିଆସୁଛନ୍ତି । ସେମାନଙ୍କ ଠାରୁ କୌଣସି କଥା ଶୁଣାନଯାଇ ରାଜ୍ୟ ସରକାର ଏହାର ଖଣି ଉତ୍ତୋଳନ ପାଇଁ ଓଏମ୍ସିକୁ ପ୍ରଦାନ କରିଛନ୍ତି । ଫଳରେ ସେମାନଙ୍କ ପାରମ୍ପରିକ ବେଉସା ବନ୍ଦ ହୋଇଯାଇଛି । ଅପରପକ୍ଷରେ ସେମାନେ ଭୋଗଦଖଲ କରିଆସୁଥିବା ଜମି ଶ୍ରୀଜଗନ୍ନାଥଙ୍କ ମାର୍ଫତରେ ଥିବାରୁ ଅନେକ ସରକାରୀ ସହାୟତା ପାଇବାରୁ ବଂଚିତ ହେଉଛନ୍ତି । ଏନେଇ ସେମାନେ ଆନ୍ଦୋଳନ, ଦାବିପତ୍ର ଦେଇଥିଲେ । ଜିଲ୍ଲା ପ୍ରଶାସନର ପରାମର୍ଶ କ୍ରମେ ଆନେ୍ଦାଳନକୁ ସ୍ଥଗିତ ରଖିଥିଲେ । ଗତକାଲି ଏନେଇ ସ୍ଥାନୀୟ ଭଗବତୀ କଲ୍ୟାଣମଣ୍ଡପ ଠାରେ ତ୍ରିପାକ୍ଷିକ ଆଲୋଚନା ହେବ । ଆଲୋଚନାର ନିସ୍କର୍ଷ ଅନୁସାରେ ପରବର୍ତୀ ପଦକ୍ଷେପ ନିଆଯିବ ।