ନବରଙ୍ଗପୁର ମୁଖ୍ୟ ଚିକିତ୍ସାଳୟରେ କରୋନା ଟିକାକରଣ ପାଇଁ ଡ୍ରାଏ ରନ୍ 

ଟିକା ପାଇଁ ୯୩୪୫ ଜଣ କଲେ ପଞ୍ଜିକରଣ

ନବରଙ୍ଗପୁର: କରନା ଟିକାକରଣ ପୂର୍ବରୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେରେ କରୋନା ଟିକାକରଣ ପାଇଁ ଡ୍ରାଇ ରନ ବ୍ୟବସ୍ଥା କରାଯାଇଛି । ପୂର୍ବରୁ ଡ୍ରାଇ ରନ ପାଇଁ ଚିକିତ୍ସାଳୟରେ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା । ଟିକା ପ୍ରଦାନ ପାଇଁ ଏକ ସ୍ୱତନ୍ତ୍ର କୋଠରୀ, ଗୋଟିଏ ପ୍ରତୀକ୍ଷାଳୟ ଓ ଗୋଟିଏ ନିରୀକ୍ଷଣ ଗୃହର ବ୍ୟବସ୍ଥା କରାଯାଇଥିଲା । ନବରଙ୍ଗପୁର ଜିଲ୍ଲାପାଳ ଡକ୍ଟର ଅଜିତ କୁମାର ମିଶ୍ର ଓ ମୁଖ୍ୟ ଚିକିତ୍ସାଧିକାରୀ ଡା.ଶୋଭାରଣୀ ମିଶ୍ରଙ୍କ ତଥା ଅନ୍ୟ ସ୍ୱାସ୍ଥ୍ୟ ଅଧିକାରୀ ମାନଙ୍କ ଉପସ୍ଥିତିରେ ଏହି ଡ୍ରାଏ ରନ କରାଯାଇଥିଲା ।

ଆଜି ପ୍ରଥମ ଦିନରେ ୨୫ ଜଣଙ୍କୁ ଡ୍ରାଏ ରନ ଟିକା ପ୍ରଦାନ କରାଯାଇଥିଲା । ଟିକା ପ୍ରଦାନ ପରେ ସ୍ୱାସ୍ଥ୍ୟରେ ସମ୍ଭାବ୍ୟ ପାର୍ଶ୍ୱ ପ୍ରତିକ୍ରିୟା ନେଇ ସଚେତନ କରାଯାଇଥିଲା । ସମ୍ଭାବ୍ୟ ପାର୍ଶ୍ୱ ପ୍ରତିକ୍ରିୟା ପାଇଁ ସ୍ୱତନ୍ତ୍ର ଭାବେ ଆମ୍ବୁଲାନ୍ସ ବ୍ୟବସ୍ଥା କରାଯାଇଥିଲା । ଯଦି କୌଣସି ପାର୍ଶ୍ୱ ପ୍ରତିକ୍ରିୟା ଘଟେ ତେବେ ତାଙ୍କୁ ସ୍ଥାନାନ୍ତର କରିବାର ବ୍ୟବସ୍ଥା କରାଯାଇଥିଲା । ଏଥି ସହ ଘରକୁ ଯିବା ପରେ ମଧ୍ୟ କୌଣସି ପାର୍ଶ୍ୱ ପ୍ରତିକ୍ରିୟା ଘଟିଲେ ହେଲ୍ପଲାଇନ ନମ୍ବରରେ କଲ କରିବା ପାଇଁ ପରାମର୍ଶ ପ୍ରଦାନ କରାଯାଇଥିଲା ।

ଟିକାକରଣ ପାଇଁ ଯେଉଁ ଅଧିକାରୀ ଦାୟିତ୍ବରେ ରହିବେ ସେହି ଅଧିକାରୀ ଟିକା ପାଇଁ ଆସିଥିବା ବ୍ୟକ୍ତିଙ୍କ ପରିଚୟ ପତ୍ର ଯାଞ୍ଚ କରିବେ। ନବରଙ୍ଗପୁର ଜିଲ୍ଲାରେ ଟିକାକରଣ ପାଇଁ ୯୩୪୫ ଜଣ ସ୍ବାସ୍ଥ୍ୟ କର୍ମୀ ଓ ଅଙ୍ଗନୱାଡି କର୍ମୀ ପଞ୍ଜିକୃତ କରିଛନ୍ତି। ପ୍ରଥମ ପର୍ଯ୍ୟାୟରେ ପଞ୍ଜିକୃତ କର୍ମଚାରୀଙ୍କୁ ଟିକାକରଣ କରାଯିବ। ଟିକାକରଣ ପୂର୍ବରୁ କେଉଁଠି ଏବଂ କେବେ ଟିକା ଦିଆଯିବ ସେ ନେଇ ପୂର୍ବରୁ ସୂଚନା ଦିଆଯିବ ବୋଲି ସୂଚନା ଦେଇଥିଲେ ନବରଙ୍ଗପୁର ଜିଲ୍ଲାପାଳ ।

ସମ୍ବନ୍ଧିତ ଖବର