ମଦ ନିଶା ହେଲା କାଳ ; ତଣ୍ଟି ରେ ଖୁଣ୍ଟ ପଶି ଜଣେ ଗୁରୁତର
ନୂଆପଡା : ନୂଆପଡା ଜିଲ୍ଲା ଟାନୱଟ ଦେଶୀ ମଦ ଭାଟି ପାଖରେ ଆଜି ଘଟିଛି ଏକ ଅଭାବନୀୟ ଘଟଣା । ଦିନ ୧୧ଟା ବେଳେ ମାତାଲ ଅବସ୍ଥାରେ ଜଣେ ବ୍ୟକ୍ତି ତଳେ ଖସିପଡ଼ିବାରୁ ସେଠାରେ ପୋତାହୋଇଥିବା ଏକ ମୁନିଆ ଖୁଣ୍ଟି ତା ତଣ୍ଟିରେ ଗଳିଯାଇଥିଲା । ଖବର ପାଇ ପରିବାର ଲୋକେ ସେଠାରେ ପହଞ୍ଚିଥିଲେ ମଧ୍ୟ ଖୁଣ୍ଟିକୁ ବାହାର କରିପାରି ନଥିଲେ ।
Sambad is now on WhatsApp
Join and get latest news updates delivered to you via WhatsApp
ଅଗ୍ନିଶମ ବିଭାଗକୁ ଖବର ଦେବାପରେ ନୂଆପଡ଼ା ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ତାଙ୍କୁ ଚିକିତ୍ସା ପାଇଁ ନୂଆପଡା ଆଣିଥିଲେ । ଭାଟି ପାଖରେ ପୋତା ଯାଇଥିବା ଏକ ଛୋଟ ମୁନିଆ ଖୁଣ୍ଟରେ ମାତାଲ ବ୍ୟକ୍ତି ଜଣକ ଭାରସାମ୍ୟ ହରାଇ ପଡିଯାଇଥିବାବେଳେ ଖୁଣ୍ଟଟି ତଣ୍ଟି ପଟୁ ପଶି ପାଟି ପଟେ ବାହାରି ପଡିଛି । ନୂଆପଡା ଚିକିତ୍ସାଳୟରେ ବିଶେଷଜ୍ଞ ଡାକ୍ତରଙ୍କ ଅଭାବରୁ ସେହି ଅବସ୍ଥାରେ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ବର୍ତ୍ତମାନ ମଧ୍ୟ ବ୍ୟକ୍ତି ଜଣଙ୍କ ତଣ୍ଟି ଭିତରେ ଖୁଣ୍ଟ ପଶି ପାଟି ଆଡେ ବାହାରି କି ଅଛି । ଗୁରୁତର ବ୍ୟକ୍ତି ଜଣକ ସ୍ଥାନୀୟ ମହୁଆଭଟା ଗ୍ରାମର ବିଶାଲ ବାଗ ବୋଲି ଜଣା ପଡିଛି । ମଦ ନିଶାରେ ଏଭଳି ହୋଇଥିବା ତାଙ୍କ ଭାଇ ପ୍ରକାଶ କରିଛନ୍ତି ।