ଜିଲ୍ଲାପାଳଙ୍କ କାର୍ଯ୍ୟାଳୟରେ ପଶି ଭଙ୍ଗାରୁଜା ଘଟଣାରେ ୮ ବିଜେପି କର୍ମୀ ଗିରଫ
ଭଦ୍ରକ: ଓବିସି ସରଂକ୍ଷଣ ଦାବିରେ ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟରେ ପଶି ବିଜେପି କର୍ମୀମାନେ ଭଙ୍ଗାରୁଜା କରିବା ଘଟଣାରେ ଆଜି ଭଦ୍ରକ ପୁଲିସ ୮ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏଇ ଭଙ୍ଗାରୁଜା ଘଟଣାରେ ଗତକାଲି ଟାଉନ ପୁଲିସ ପକ୍ଷରୁ ୭/୨୨ରେ ମାମଲା ରୁଜୁ କରାଯାଇଥିଲା। ସିସି ଟିଭିର ଫୁଟେଜକୁ ଆଧାର ପୁଲିସ ଅଭିଯୁକ୍ତ ମାନଙ୍କୁ ଚିହ୍ନଟ କରି ସେମାନଙ୍କ ନାମରେ ମାମଲା ରୁଜୁ କରିଥିଲା। ଗତକାଲିର ଏଇ ଗଣ୍ଡଗୋଳ ଓ ଭଙ୍ଗାରୁଜା ଘଟଣାରେ ଯେଉଁମାନେ ସମ୍ପୃକ୍ତ ଥିଲେ। ପୁଲିସ ଗତକାଲି ରାତିରୁ ବିଭିନ୍ନ ସ୍ଥାନରେ ଚଢାଉ କରି ସେମାନଙ୍କୁ ଗିରଫ କରିବାରେ ସଫଳ ହୋଇଥିଲା। ଗିରଫ ହୋଇଥିବା ୮ ଜଣଙ୍କୁ ଆଜି କୋର୍ଟ ଚାଲାଣ କରାଯାଇଥିବା ନେଇ ଭଦ୍ରକର ଅତିରିକ୍ତ ଜିଲ୍ଲା ଆରକ୍ଷୀ ଅଧିକ୍ଷକ ଯତିନ୍ଦ୍ର ପଣ୍ଡା ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଯେଉଁ ଅଭିଯୁକ୍ତ ମାନେ କୋର୍ଟ ଚାଲାଣ ହୋଇଥିଲେ, ସେମାନଙ୍କ ଜାମିନ୍ ଆବେଦନ ଖାରଜ୍ ହେବାରୁ ସମସ୍ତ ୮ ଜଣ ଅଭିଯୁକ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଗତିକାଲିର ଘଟଣାରେ ପରେ ପୁଲିସ ଚାପରେ ଥିଲେ। ପୁଲିସର ଗୋଇନ୍ଦା ରିପୋର୍ଟ ଫେଲ୍ ହେବା ଯୋଗୁଁ ହିଁ ବିଜେପି କର୍ମୀମାନେ ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟରେ ପଶି ଏଭଳି ଭଙ୍ଗାରୁଜା କରିଥିଲେ।