ମାଲକାନଗିରି: ମାଲକାନଗିରି ଜିଲ୍ଲା ପୁଲିସ ଏବେ ଜୁଆ ଆଡ୍ଡା ଉପରେ ଜୋରସୋରରେ ଚଢଉ ଆରମ୍ଭ କରିଛି। ଜିଲ୍ଲାର ଓର୍କେଲ ପୁଲିସ ପୁଣି ଏକ ଜୁଆ ଆଡ୍ଡା ଉପରେ ଚଢଉ କରି ୩୬ ହଜାର ୭୮୦ ଟଂକା ଜବତ କରିଥିବା ବେଳେ ୮ ଜଣ ଜୁଆଡିଙ୍କୁ ଗିରଫ କରିଛି। ଏଥିସହ ଏକ କ୍ରେଟା କାରକୁ ମଧ୍ୟ ଜବତ କରିତିବା ଏସଡିପିଓ ଅଂଶୁମାନ ଦ୍ବିବେଦୀ ପ୍ରକାଶ କରିଛନ୍ତି। ଗତ କିଛି ଦିନ ତଳେ ମଧ୍ୟ ଓର୍କେଲ ପୁଲିସ ଜୁଆ ଅଡ୍ଡାରେ ଚଢଉ କରିଥିଲା। ଏହି ଚଢଉରେ ୨ ଲକ୍ଷ ଟଂକା ଜବତ କରିବା ସହ ୩୧ ଜଣକୁ ଗିରଫ କରିଥିଲା। ତେବେ ବର୍ତ୍ତମାନ ଦୀପାବଳି ପାର୍ବଣ ଋତୁ ଚାଲୁଥିବାରୁ ଜିଲ୍ଲାର ବିଭିନ୍ନ ସ୍ଥାନରେ ଜୁଆ ଖେଳ ଜୋରସୋରରେ ଚାଲିଛି, ଯାହାକୁ ରୋକ ଲଗାଇବା ପାଇଁ ପୁଲିସ ମଧ୍ୟ ପ୍ରୟାସ ଆରମ୍ଭ କରିଛି।
Sambad is now on WhatsApp
Join and get latest news updates delivered to you via WhatsApp
ରାଜ୍ୟରେ ବେଆଇନ୍ ଭାବେ ଖେଳାଯାଉଥିବା ଜୁଆ ଯୋଗୁଁ ସଂପୃକ୍ତ ଜୁଆଡ଼ିମାନଙ୍କର ଘରେ ଅଶାନ୍ତି ସୃଷ୍ଟି ହେଉଛି। ଏହି ବ୍ୟକ୍ତିମାନେ ଘରେ କଳହ କରୁଛନ୍ତି। ଅନେକ କ୍ଷେତ୍ରରେ ଜୁଆଡ଼ିଙ୍କ ପରିବାର ମଧ୍ୟ ଭାଙ୍ଗିଯାଉଥିବା ନଜିର ରହୁଛି।