ବୈଷୟିକ ପରିଚାଳନା ନେଇ ତିନିଦିନରେ କେକେ ଲାଇନର ୮ଟି ଟ୍ରେନ ବାତିଲ୍

ଜୟପୁର: ପୂର୍ବତଟ ରେଳବାଇର ୱାଲଟିୟାର ଡିଭିଜନର କେକେ ଲାଇନରେ ଏସ୍‌. କୋଟା-ବୋଡ୍ଡାଭାରା ଷ୍ଟେସନ ମଧ୍ୟରେ ପ୍ରି-ନନ୍ ଇଣ୍ଟର ଲକିଂ କାର୍ଯ୍ୟ ଯୋଗୁଁ ଆଜି ଠାରୁ ଆସନ୍ତା ୨୩ତାରିଖ ପର୍ଯ୍ୟନ୍ତ ୬ଟି ଟ୍ରେନର ଚଳାଚଳକୁ ବାତିଲ କରାଯାଇଛି। ଆଜି ବିଶାଖାପାଟଣାରୁ ଛାଡ଼ିବାକୁ ଥିବା ଟ୍ରେନ ନଂ ୧୮୫୧୪ ବିଶାଖାପାଟଣା- କିରଣ୍ଡଲ ନାଇଟ ଏକ୍ସପ୍ରେସକୁ ବାତିଲ କରାଯାଇଛି। ସେଭଳି ଆସନ୍ତାକାଲି ବିଶାଖାପାଟଣାରୁ ଛାଡ଼ିବାକୁ ଥିବା ଟ୍ରେନର ନମ୍ବର ୧୮୫୧୩ କିରଣ୍ଡଲ-ବିଶାଖାପାଟଣା ନାଇଟ୍ ଏକ୍ସପ୍ରେସ୍, ସ୍ୱତନ୍ତ୍ର ପାସେଞ୍ଜର ଟ୍ରେନ ନମ୍ବର ୦୮୫୫୧ ବିଶାଖାପାଟଣା-କିରଣ୍ଡଲକୁ ବ‌ାତିଲ କରାଯାଇଛି।

ସେଭଳି ଆସନ୍ତା ୨୩ ତାରିଖ କିରଣ୍ଡଲରୁ ଛାଡୁଥିବା ଟ୍ରେନ ନଂ ୦୮୫୫୨ କିରଣ୍ଡଲ-ବିଶାଖାପାଟଣା ସ୍ବତନ୍ତ୍ର ପାସେଞ୍ଜର, ବିଶାଖାପାଟଣାରୁ ୨୨ରେ ଛାଡ଼ୁଥିବା ଟ୍ରେନ ନଂ ୧୮୫୧୨ ବିଶାଖାପାଟଣା-କୋରାପୁଟ ଇଣ୍ଟରସିଟି ଏକ୍ସପ୍ରେସ, ଓ କୋରାପୁଟରୁ ୨୩ରେ ଛାଡ଼ୁଥିବା ଟ୍ରେନ ନଂ ୧୮୫୧୧ କୋରାପୁଟ-ବିଶାଖାପାଟଣା ଇଣ୍ଟରସିଟି, ବିଶାଖାପାଟଣାରୁ ୨୨ରେ ଛାଡ଼ୁଥିବା ଟ୍ରେନ ନଂ ୦୮୫୪୬ ବିଶାଖାପାଟଣା-କୋରାପୁଟ ପାସେଞ୍ଜର ସ୍ପେଶାଲ ଓ ୨୩ରେ କୋରାପୁଟରୁ ଛାଡ଼ୁଥିବା ଟ୍ରେନ ନଂ ୦୮୫୪୫ କୋରାପୁଟ-ବିଶାଖାପାଟଣା ପାସେଞ୍ଜର ସ୍ପେଶାଲକୁ ବାତିଲ କରାଯାଇଥିବା ଏକ ପ୍ରେସ ବିବୃତ୍ତିରେ ଡିଭିଜିନର ବରିଷ୍ଠ ବାଣିଜ୍ୟ ପ୍ରବନ୍ଧକ ଏ‌.କେ ତ୍ରିପାଠୀ ସୂଚନା ଦେଇଛନ୍ତି।