ରାୟଗଡା: ରାୟଗଡା ଜିଲ୍ଲା ଅନ୍ତର୍ଗତ ରାମନାଗୁଡା ବ୍ଲକର ପରିଖିତି ପଞ୍ଚାୟତରେ ଗତ ୨ ତାରିଖରେ ସରପଞ୍ଚ ଉପନିର୍ବାଚନ ହୋଇଥିଲା। ଏହି ନିର୍ବାଚନରେ ଗାୟତ୍ରୀ ମାଣ୍ଡାଙ୍ଗୀ ଖୋଲା ବହି ଚିହ୍ନରେ ଲଢେଇ କରୁଥିବା ବେଳେ ନରସିଂହ ମାଣ୍ଡାଙ୍ଗୀ ମାଛ ଚିହ୍ନ ଏବଂ ସୂର୍ଯ୍ୟରାଓ କୁମାରିକା ସୂର୍ଯ୍ୟ ଚିହ୍ନରେ ଲଢେଇ କରୁଥିଲେ। ତେବେ ଆଜି ଗଣତିରେ ଗାୟତ୍ରୀ ମାଣ୍ଡାଙ୍ଗୀ ୪୩୨ଟି ଭୋଟ ପାଇଥିବା ବେଳେ ନରସିଂହ ମାଣ୍ଡାଙ୍ଗୀ ୧୨୯୬ ଏବଂ ସୂର୍ଯ୍ୟ ରାଓ କୁମାରିକା ୧୫୦୬ଟି ଭୋଟ ପାଇଥିଲେ। ତେବେ ସୂର୍ଯ୍ୟ ରାଓ କୁମାରିକା ତାଙ୍କ ନିକଟତମ ପ୍ରତିଦ୍ବନ୍ଦୀ ନରସିଂହ ମାଣ୍ଡାଙ୍ଗୀ ଠାରୁ ୨୧୦ଟି ଭୋଟରେ ବିଜୟୀ ହୋଇଛନ୍ତି।

Advertisment

ପ୍ରକାଶ ଥାଉକି, ଏହି ପଞ୍ଚାୟତରେ ମୋଟ ଭୋଟର ସଂଖ୍ୟା ୫୦୭୪ ଥିବା ବେଳେ ସେଥିରୁ ୩୩୫୦ଟି ଭୋଟ ପଡିଥିଲା। ଯାହାକି ମୋଟ ଭୋଟର ସଂଖ୍ୟାର ୬୨ ପ୍ରତିଶତ। ୧୧୬ଟି ଭୋଟ ନାକଚ ହୋଇଥିବା ଜଣାପଡିଛି।ତେବେ ସୂର୍ଯ୍ୟ ରାଓଙ୍କ ବିଜୟରେ ଆଇନ ମନ୍ତ୍ରୀ ଜଗନ୍ନାଥ ସାରକା, ଗୁଣୁପୁର ବିଧାୟକ ରଘୁନାଥ ଗମାଙ୍ଗ, ଜିଲ୍ଲା ସଭାପତି ସୁଧିର ଦାସ, ଗଗନ ଆଚାର୍ଯ୍ୟ, ପିଙ୍କୁ ପଣ୍ଡା ପ୍ରମୁଖ ଅଭିନନ୍ଦନ ଜଣାଇଛନ୍ତି।