ଟିପିସିଓଡିଏଲ୍ ପକ୍ଷରୁ ଜଗତସିଂହପୁରରେ ବିଦ୍ୟୁତ ବଣ୍ଟନ ବ୍ୟବସ୍ଥାର ଉନ୍ନତିକରଣ
ଭୁବନେଶ୍ୱର: ନିରନ୍ତର ଅର୍ଥନୈତିକ ବିକାଶ ଓ ଅଭିବୃଦ୍ଧି ହାସଲ କରିବା ଲାଗି ଭରସାଯୋଗ୍ୟ ଓ ସୁରକ୍ଷିତ ବିଦୁ୍ୟତ ସର୍ବଦା ହେଉଛି ଲୋକମାନଙ୍କର ଏକ ମୌଳିକ ଆବଶ୍ୟକତା । ଏହି ଲକ୍ଷ୍ୟଗୁଡ଼ିକୁ ହାସଲ କରିବା ଲାଗି ଟିିପି ସେଣ୍ଟ୍ରାଲ ଓଡ଼ିଶା ଡିଷ୍ଟ୍ରିବୁସନ ଲିମିଟେଡ୍ (ଟିପିସିଓଡିଏଲ୍) ପକ୍ଷରୁ ପୁରୁଣା ବିଦ୍ୟୁତ ବଣ୍ଟନ ନେଟଓ୍ବାର୍କର ନବୀକରଣ କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଏହି କ୍ଷେତ୍ରରେ ସ୍ୱତନ୍ତ୍ର ଉପସ୍ଥାପନା ଭାବେ ଜଗତସିଂହପୁରରେ ସୁରକ୍ଷା, ବ୍ୟବସ୍ଥା ସୁଦୃଢ଼ୀକରଣ, ପରିଚାଳନା ଏବଂ ରକ୍ଷଣାବେକ୍ଷଣ ବର୍ଗରେ ସଂଖ୍ୟାଧିକ ପଦକ୍ଷେପ ଗ୍ରହଣ କରାଯାଇଛି । ସାଧାରଣ ଜନତା ଓ ପଶୁମାନଙ୍କ ସୁରକ୍ଷାକୁ ନିଶ୍ଚିତ କରିବା ଲାଗି ନେଟଓ୍ବାର୍କରେ ବଡ଼ ଧରଣର ଉନ୍ନତୀକରଣ କାର୍ଯ୍ୟ ହାତକୁ ନିଆଯାଇଛି ।
ଭୋଲ୍ଟେଜ୍ ହ୍ରାସ ପାଇବା ସମସ୍ୟାର ସମାଧାନ କରିବା ଏବଂ ଏହି ଅଂଚଳରେ ଗ୍ରାହକମାନଙ୍କୁ ଭରସାଯୋଗ୍ୟ ବିଦ୍ୟୁତ ଯୋଗାଣ ଲାଗି ୮୬ କିମିରୁ ଅଧିକ ଖରାପ କଣ୍ଡକ୍ଟରକୁ ପରିବର୍ତନ କରାଯାଇଛି । ଜଗତସିଂହପୁର ଅଂଚଳରେ ବିଦ୍ୟୁତ ତାରର ଭୂଲମ୍ବ ଓ ଭୂସମାନ୍ତର ସୀମାରେ ବୃଦ୍ଧି କରି ସେଗୁଡ଼ିକୁ ସଠିକ୍ କରିବା ପାଇଁ ୨୧୦୦ରୁ ଅଧିକ ଖୁଂଟ ସ୍ଥାପନ କରାଯାଇଛି । ରାସ୍ତା ଉପରେ ରହିଥିବା ଲାଇଭ୍ କଣ୍ଡକ୍ଟର୍ ତାର ତଳକୁ ଖସିପଡ଼ିବା ଓ ଛିଣ୍ଡିଯିବା ଦ୍ୱାରା ଲୋକମାନେ ଦୁର୍ଘଣାର ଶିକାର ହେବାର ଆଶଙ୍କା ରହିଥିବାରୁ ସେଗୁଡ଼ିକୁ ସୁରକ୍ଷିତ କିବା ଲାଗି ୨୩ରୁ ଅଧିକ ସଡ଼କ ପାର ହେବା ଭଳି ସ୍ଥାନରେ କ୍ରେଡଲ୍ ଗାର୍ଡ ଦିଆଯାଇଛି । ଏହା ବ୍ୟତୀତ ୯୦୦ରୁ ଅଧିକ ବଙ୍କା ହୋଇଯାଇଥିବା ପୋଲ୍କୁ ସୁଦୃଢ଼ କରାଯାଇଥିବା ବେଳେ ପୁରୁଣା ପୋଲ୍ର କଂକ୍ରିଟ୍ କାର୍ଯ୍ୟ ଶେଷ ହୋଇଛି ।