ଜୀବନ ହାରିଲା ହାତୀଛୁଆ
ଚିତ୍ରଡ଼ା: ଉଦ୍ଧାର ହୋଇଛି ମୃତ ହାତୀଛୁଆ। ତେବେ ଏହା କେମିତି ମଲା, ନା ତାକୁ କିଏ ମାରିଲା; ସେନେଇ କିଛି ସ୍ପଷ୍ଟ ହୋଇ ପାରିନାହିଁ। ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ରେଞ୍ଜ ମୋରଡ଼ା ସାନମୁଣ୍ଢାବଣି ପଞ୍ଚାୟତ ବାଘାଝରଣ ନିକଟରେ ଅଞ୍ଚଳରେ ହାତୀଛୁଆଟିର ମୃତ୍ୟୁ ହୋଇଛି । ଆଜି ସକାଳେ ସ୍ଥାନୀୟ ଲୋକ ମୃତ ହାତୀଛୁଆକୁ ଦେଖିବା ପରେ ବନ ବିଭାଗକୁ ଖବର ଦେଇଥିଲେ । ବିଭାଗୀୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ହାତୀଛୁଆର ମୃତଦେହ ଜବତ ସହ ତଦନ୍ତ ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତେବେ ହାତୀଛୁଆଟିର ମୃତ୍ୟୁ କିପରି ହେଲା, ସେନେଇ କିଛି ଜଣାପଡ଼ିନାହିଁ। ଅସୁସ୍ଥତା କାରଣରୁ କି ଅନ୍ୟ କେଉଁ କାରଣରୁ ତା’ର ମୃତ୍ୟୁ ଘଟିଛି; ନା ଶିକାରୀମାନେ ତାକୁ ମାରିଛନ୍ତି, କିଛି ଜଣାପଡ଼ିନାହିଁ । ବ୍ୟବଚ୍ଛେଦ ରିପୋର୍ଟ ଆସିଲେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ରେଞ୍ଜ ଅଧିକାରୀ ମଧୁସ୍ମିତା ଦାସ କହିଛନ୍ତି ।
ଅନ୍ୟପଟେ ହାତୀଛୁଆଟିର ମୃତ୍ୟୁ ପାଇଁ ବନ ବିଭାଗ ଦାୟୀ ବୋଲି ଅଭିଯୋଗ ହୋଇଛି। ବାଘଝରଣରେ ଗତ ୩ ଦିନ ହେବ ଶିମିଳିପାଳ ହାତୀ ପଲ ରହୁଥିବା ବେଳେ ସେମାନଙ୍କ ଉପରେ ବିଭାଗୀୟ ଅଧିକାରୀ ଓ କର୍ମଚାରୀମାନେ କାହିଁକି ନଜର ରଖିଲେ ନାହିଁ ବୋଲି ଲୋକେ ପ୍ରଶ୍ନ କରିଛନ୍ତି ।