କରୋନା ସତର୍କତା: ଏନଫୋର୍ସମେଣ୍ଟ ଟିମ ଅଧିକାରୀମାନଙ୍କ ବିଭିନ୍ନ ପଂଚାୟତ ଗସ୍ତ
ଦେବଗଡ: ଜିଲ୍ଲାରେ କରୋନା ସଂକ୍ରମଣର ମୁକାବିଲା ଏବଂ ବିଭିନ୍ନ ସତର୍କତାମୂଳକ ପଦକ୍ଷେପର ପର୍ଯ୍ୟବେକ୍ଷଣ ନିମନ୍ତେ ଗଠନ କରାଯାଇଥିବା ଏନଫୋର୍ସମେଣ୍ଟ ଟିମ୍ ୨୩ଜଣ ଅଧିକାରୀ ଆଜି ଜିଲ୍ଲାର ୨୩ଟି ପଂଚାୟତକୁ ଗସ୍ତ କରିଛନ୍ତିି । ସେମାନେ ପ୍ରଥମ ପର୍ଯ୍ୟାୟରେ ଜିଲ୍ଲାର ୨୩ଟି ପଂଚାୟତ ଯେଉଁଠାକୁ ବାହାର ରାଜ୍ୟରୁ ବେଶି ଲୋକ ଆସିଛନ୍ତି ସେ ଅଂଚଳ ଗସ୍ତ କରି କରୋନା ସତର୍କତାମୂଳକ ପଦକ୍ଷେପ ଗୁଡିକର କାର୍ଯ୍ୟକାରୀତା ଉପରେ ବିଭିନ୍ନ ତଥ୍ୟ ସଂଗ୍ରହ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ଏହି ଟିମର ଅଧିକାରୀମାନେ ବାରକୋଟ ବ୍ଲକର ବସାଲୋଇ, କାଉଁସିବାହାଲ, ଡଅଁରା, ରାତାବାହାଲ, ସରୁଆଳି, ରମ୍ଭେଇ, ମଧ୍ୟପୁର,ବଳମ ଏବଂ କଣ୍ଢଳ ପଂଚାୟତ, ତିଲେଇବଣି ବ୍ଲକର ବଡଛାପଲ, କେନ୍ଦେଇଜୁରୀ, ଢୋଲପଡା, ଗଣ୍ଡମ, ସୁଗୁଡା, ଟାଇଁସର, ବଣିଆକିଲିଣ୍ଡା, ତିଲେଇବଣି ପଂଚାୟତ ଓ ରିଆମାଳ ବ୍ଲକର ବୁଡିଦୋ, ଗୁଣ୍ଡିଆପାଲି, ନୂଆଡିହି, ତାବ୍ଡା, ଟିଙ୍କବିର ପଂଚାୟତ ଗସ୍ତ କରି ସଂପୃକ୍ତ ଅଂଚଳର ସରପଂଚ, ୱାର୍ଡମେମ୍ବର ଓ ଅନ୍ୟ ଲୋକମାନଙ୍କ ସହିତ ଆଲୋଚନା କରି ସେମାନଙ୍କଠାରୁ ମୁଖ୍ୟତଃ ବାହାର ରାଜ୍ୟରୁ ଆସିଥିବା ଲୋକମାନେ ହୋମ କା୍ୱରେନ୍ଣ୍ଟାଇନରେ ରହୁଛନ୍ତି କି ନାହିଁ, ସେମାନଙ୍କର ସ୍ୱାସ୍ଥ୍ୟ ଅବସ୍ଥା, ଅଂଚଳରେ ସାମାଜିକ ଦୂରତାର ରକ୍ଷା କରାଯାଉଛି କି ନାହିଁ ଏବଂ କୋଭିଡ-୧୯ ଓ ଲକ୍ଡାଉନ ସମ୍ବନ୍ଧୀୟ ଅନ୍ୟାନ୍ୟ ବିଷୟ ଉପରେ ଆଲୋଚନା କରି ସେମାନଙ୍କର ରିପୋର୍ଟ କରୋନାସେଲକୁ ପ୍ରଦାନ କରିଛନ୍ତି । ଏହି ରିପୋର୍ଟ ଆଧାରରେ କରୋନା ସେଲ ପକ୍ଷରୁ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ।