ହରଭଙ୍ଗା ତହସିଲ୍‌ ପକ୍ଷରୁ ଉଚ୍ଛେଦ ଆରମ୍ଭ

ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମୁଖ୍ୟାଳୟର ହରଭଙ୍ଗା ଥାନା ଛକ ଓ ପ୍ରାଥମିକ ସ୍କୁଲ୍‌ ପରିସରକୁ ବହୁ ଦିନ ହେବ କେତେକ ଜବରଦଖଲକାରୀ ସେମାନଙ୍କ କବ୍‌ଜାରେ ରଖିଛନ୍ତି। ସ୍କୁଲ୍‌ ଓ ଥାନା ସମ୍ମୁଖରେ ବେଆଇନ ଭାବେ ଦଖଲ କରିଥିବା ୬ ଜଣ ଦୋକାନୀଙ୍କୁ ତୁରନ୍ତ ଜାଗା ଛାଡ଼ିବା ପାଇଁ ତହସିଲ ପକ୍ଷରୁ ନିର୍ଦ୍ଦେର୍ଶ ଦିଆଯାଇଛି।

ଏହା ସହ ଚାରିଛକ ବଜାରର ବିଭିନ୍ନ ସ୍ଥାନରେ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି। ଚାରିଛକ-ଫୁଲବାଣୀ ଜାତୀୟ ରାଜପଥର ଉଭୟ ପାର୍ଶ୍ବରେ ଥିବା ଉଠା ଦୋକାନୀଙ୍କୁ ଉଠାଯିବା ସହିତ ଜବରଦଖଲକାରୀଙ୍କ ଘର ଭଙ୍ଗା ହୋଇଛି। ତହସିଲଦାର ଶିବାନୀ ଦାଶ, ଅତିରିକ୍ତ ତହସିଲଦାର ବିଶ୍ବଜିତ ପ୍ରଧାନ ଏବଂ ପୁଲିସ ଉପସ୍ଥିତିରେ ଏହି ଉଚ୍ଛେଦ କରାଯାଇଥିଲା।