ରାୟଗଡା: ରାୟଗଡା ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇ ଟ୍ରକ ବୋଝେଇ ମହୁଲ ଏବଂ ୬୦ ଲିଟର ମଦ ସହ ୨ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଅବକାରୀ କମିଶନର ଓ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଅବକାରୀ ଅଧୀକ୍ଷକ ଅଭିରାମ ବେହେରାଙ୍କ ପ୍ରତ୍ୟକ୍ଷ ତତ୍ବାବଧାନରେ ଗୁମ୍ମା ନିକଟରେ ଅବକାରୀ କର୍ମଚାରୀ ପେଟ୍ରୋଲିଂ କରୁଥିବା ବେଳେ ଓଡି-୧୦-ଭି-୫୪୦୯ ନମ୍ବର ଥିବା ଏକ ଟ୍ରକ ଦ୍ରୁତ ଗତିରେ ଯାଉଥିବାବେଳେ ତାକୁ ଅଟକାଇ ଯାଞ୍ଚ କରିବା ପରେ ସେଥିରେ ମହୁଲ ଫୁଲ ରହିଥିବା ଅବକାରୀ ଅଧିକାରୀମାନେ ଜାଣିବାକୁ ପାଇଥିଲେ।ତୁରନ୍ତ ଟ୍ରକକୁ ଜବତ କରି ଅବକାରୀ କାର୍ଯ୍ୟାଳୟକୁ ଆଣି ଯାଞ୍ଚ କରିବା ପରେ ସେଥିରେ ପ୍ରାୟ ୪୯.୨୦ କ୍ବିଣ୍ଟାଲ ମହୁଲ ଫୁଲ ରହିଥିବା ଦେଖିବାକୁ ମିଳିଥିଲା।

Advertisment

ସେଥିରେ ୧୪ କ୍ବିଣ୍ଟାଲ ଚାଉଳ ଏବଂ ୩.୨ କ୍ବିଣ୍ଟାଲ ଧାନ ବସ୍ତା ମଧ୍ୟ ରହିଥିଲା। ଏସବୁର ମୂଲ୍ୟ ପ୍ରାୟ ୪୦ ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି। ଏହି ମହୁଲ ଫୁଲକୁ ଆସାମୀ ଧନେଶ୍ବର ପାତ୍ର ଚାଲାଣ କରୁଥିବାରୁ ତାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଏହି ଚଢାଉରେ ଏସଆଇ ସଂଜୟ ପ୍ରଧାନ, ଏଏସଆଇ ରାଶି ନାରାୟଣ ଓ ସଂଗ୍ରାମ ପ୍ରଧାନ, କନେଷ୍ଟବଲ ପାଲକା ଆପ୍ପାୟା, ଜି.ଧର୍ମା ରାଓ, ସଂଜୀବ କୁମାର ପାତ୍ର, ଅମର କୁମାର ଦଳେଇ, ଖ୍ରୀଷ୍ଟରାଜ ବେବର୍ତ୍ତା, କରୁଣାକର ପାତ୍ର ପ୍ରମୁଖ ଅଂଶଗ୍ରହଣ କରିଥିଲେ। ସେହିପରି କେରଡା ଅଂଚଳରେ ଇନସପେକ୍ଟର ସୀମା କିରଣ ବେଞ୍ଜଙ୍କ ନେତୃତ୍ବରେ ଚଢାଉ କରାଯାଇ ୬୦ ଲିଟର ତାଡି ଜବତ କରାଯାଇଥିବା ବେଳେ ଆସାମୀ ପାନାଲା ଜାନୀଙ୍କୁ ଗିରଫ କରାଯାଇଛି।