ନକଲି ଡାକ୍ତର ଗିରଫ: ୭ ବର୍ଷ ହେଲା ଚଳାଇଥିଲା କାରବାର

ଲାଠୋର: ବଲାଙ୍ଗୀର ଜିଲ୍ଲା ଲାଠୋର ଥାନା ଅନ୍ତର୍ଗତ ବେନ୍ଦେର ଗାଁରୁ ଶନିବାର ସୁ ବୋଜିତ ମଜୁମଦାର (୨୮ବର୍ଷ) ନାମକ ଜଣେ ନକଲି ବଙ୍ଗାଳୀ ଡାକ୍ତରକୁ ପୁଲିସ ଗିରଫ କରିଛି। ଗିରଫ ଅଭିଯୁକ୍ତ ସୁବୋଜିତ ପଶ୍ଚିମବଙ୍ଗରୁ ଆସି ପ୍ରାୟ ୭ ବର୍ଷ ହେଲା ଏ ଅଞ୍ଚଳରେ ନିଜକୁ ଡାକ୍ତର ବୋଲି ପରିଚୟ ଦେଇ ଚିକିତ୍ସା କରୁଥିଲା।

ତା’ ନିକଟରୁ ବହୁ ପରିମାଣରେ ବିଭିନ୍ନ ପ୍ରକାର ଔଷଧ ମଧ୍ୟ ଜବତ କରାଯାଇଛି। ମାଜିଷ୍ଟ୍ରେଟ ଦାୟିତ୍ୱରେ ପାଟଣାଗଡ଼ ଅତିରିକ୍ତ ତହସିଲଦାର ଧୀରଜ ପାତ୍ରଙ୍କ ଉପସ୍ଥିତିରେ କ୍ଲିନିକ୍‌କୁ ସିଲ୍‌ କରିଦିଆଯାଇଛି। ଲାଠୋର ଥାନାରେ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟଚାଲାଣ କରିଥିବା ଥାନା ଅଧିକାରୀ ଝସକେତନ ଭୋଇ କହିଛନ୍ତି।