ଭବାନିପାଟଣା : ନିଜକୁ ସିପିଆଇ (ମାଓବାଦୀ) ସଂଗଠନର ସଦସ୍ୟ କହି ଲୋକମାନଙ୍କୁ ବଟି ମାଗୁଥିବା ଅଭିଯୋଗରେ କଳାହାଣ୍ଡି ଜିଲ୍ଲା ମ.ରାମପୁର ଥାନା ପୁଲିସ ୩ ଜଣଙ୍କୁ ଗିରଫ କରିଛି । ଗିରଫଙ୍କ ମଧ୍ୟରେ ଜଣେ ୪୫ ବର୍ଷୀୟ ବ୍ୟକ୍ତି ଓ ୨ ଜଣ ନାବାଳକ ଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୁତ୍ରରୁ ମିଳିଥିବା ସୂଚନା ଅନୁସାରେ ଦୁଦକରଞ୍ଜା ଗ୍ରାମର ଜଣେ ବ୍ୟକ୍ତିଙ୍କ ଘର ଆଗରେ ପୋଷ୍ଟର ମାରି ତାଙ୍କୁ ୨୪ ଘଣ୍ଟାରେ ୨୦ ହଜାଟ ଟଙ୍କା ଦେବାକୁ ଧମକ ଦେଇଥିଲେ । ଟଙ୍କା ନଦେଲେ ହତ୍ୟା କରାଯିବ ବୋଲି ତାଙ୍କୁ ଧମକ ଦିଆଯାଇଥିଲା । ଏହି ଧମକକୁ ଡରି ସଂପୃକ୍ତ ବ୍ୟକ୍ତି ଏକ ନିର୍ଦ୍ଦିଷ୍ଟ ବ୍ୟାଙ୍କ ଖାତାରେ ଟଙ୍କା ଜମା କରିଥିଲେ । ତେବେ ପରେ ତାଙ୍କର ସଂଦେହ ହେବାରୁ ସେ ପୁଲିସରେ ଅଭିଯୋଗ କରିଥୁଲେ । ପୁଲିସ ଏହି ମାମଲାର ତଦନ୍ତ କରି ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ପୋଷ୍ଟରକୁ ଜବତ କରିଛି ।