ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବେଗୁନିଆ ଅଞ୍ଚଳରେ ନକଲି ଜର୍ଦା କାରବାର ଚାଲିଥିବା ନେଇ ବିଶେଷ ସୂତ୍ରରୁ ଖବର ପାଇବା ପରେ ଏସଟିଏଫ ଆଜି ଆକସ୍ମିକ ଚଢାଉ କରିଥିଲା । ଏହି ଚଢ଼ାଉ ସମୟରେ ବିପୁଳ ପରିମାଣର ଜର୍ଦା ଓ ତମାଖୁ ଜବତ କରାଯାଇ ଖୋର୍ଦ୍ଧା ଜିଲ୍ଲା ନୂଆସାଣି ପୁଲିସ ଷ୍ଟେସନ ଅଧିକାରୀ ମାନସ ପୃଷ୍ଟି ଭାରତୀୟ ଦଣ୍ଡିବିଧାନ ଆଇନ ଅନୁଯାୟୀ ଧାରା ୩୭୯/ ୪୧୧/୪୧୭/୪୨୦ରେ ମାମଲା ରୁଜୁ କରି ତଦନ୍ତ ଜାରି ରଖିଛନ୍ତି।

Advertisment

ସେହିପରି ଖୋର୍ଦ୍ଧା ଜିଲ୍ଲା ବେଗୁନିଆସ୍ଥିତ ପିଚୁକୋଳି ପୁଲିସ ଷ୍ଟେସନର ଅଧିକାରୀ ମନୋଜ କୁମାର ସାହୁ ବିପୁଳ ମାତ୍ରାର ଜର୍ଦା ଓ ତମାଖୁ ଜବତ କରିଛନ୍ତି। ଦୁଇଟି ଭିନ୍ନଭିନ୍ନ ଘଟଣାରେ ଜବତ ହୋଇଥିବା ଜର୍ଦା ଓ ତମାଖୁର ଓଜନ ପାଖାପାଖି ୩କୁଇଣ୍ଟାଲ ହେବା ସହିତ ମୂଲ୍ୟ ୧୦ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି।