ନବରଙ୍ଗପୁର: ଉମରକୋଟ ଅଂଚଳରେ ଏକ ମାସ ହେବ ସାର ଅଭାବ । ଚାଷୀ ବାରମ୍ବାର ଦାବି କଲେବି କୌଣସି ସୁଫଳ ନମିଳିବାରୁ ଶେଷରେ ବାଧ୍ୟହୋଇ ଚାଷୀମାନେ ରାଜରାସ୍ତାକୁ ଓହ୍ଲାଇଛନ୍ତି । ଚାଷ ପାଇଁ ସାରର ଅଭାବ ହେବାରୁ ଏଭଳି ପରିସ୍ଥିତି ଉପୁଜିଛି । ଦୀର୍ଘ ଏକ ମାସ ହେବ ଉମରକୋଟରେ କୌଣସି ସାର ମିଳୁନାହିଁ । ଫଳରେ ଚାଷୀମାନେ ଚାଷ କାମକୁ ଅଧୁରା କରି ରଖିଛନ୍ତି । ବିଭିନ୍ନ ସ୍ଥାନରୁ ଧାର-କରଜ୍ ଆଣି ଚାଷ କରିଥିବା ଚାଷୀ ଏବେ ମୁଣ୍ଡରେ ହାତ ଦେଇ ବସିଛି। ଶୀଘ୍ର ସାର ନମିଳିଲେ ଚାଷ ଉଜୁଡ଼ିଯିବାର ଆଶଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଶତାଧିକ ଚାଷୀ ଆଜି ଉମରକୋଟ ତହସିଲ କାର୍ଯ୍ୟାଳୟ ଘେରାଉ କରିବା ସହ ତହସିଲଦାରଙ୍କୁ ଏକ ଦାବି ପତ୍ର ପ୍ରଦାନ କରିଛନ୍ତି । ଅତିଶୀଘ୍ର ସାର ଯୋଗାଇ ଦିଆ ନଗଲେ ଚାଷୀ ଆନ୍ଦୋଳନ ତୀବ୍ରତର ହେବ ବୋଲି ଚାଷୀ ଚେତାବନୀ ଦେଇଛନ୍ତି । ଏହି ଚାଷୀ ଆନ୍ଦୋଳନରେ ଚାଷୀଙ୍କ ସହ ସାମିଲ୍ ହୋଇଛନ୍ତି ପ୍ରଦେଶ କଂଗ୍ରେସର କାର୍ଯ୍ୟକାରୀ ସଭାପତି ପ୍ରଦୀପ ମାଝୀ । ଚାଷୀଙ୍କୁ ସାର ନ ମିଳିବା ଯାଏ ରାସ୍ତାରୁ ହଟିବେ ନାହିଁ ବୋଲି ପ୍ରଦୀପ କହିଛନ୍ତି । ସେ ସାର ଅଭାବକୁ ନେଇ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ଦାୟୀ କରିଛନ୍ତି । ବର୍ତମାନ ରାଜରାସ୍ତାରେ ପ୍ରଦୀପ ମାଝୀଙ୍କ ସହ ଚାଷୀଙ୍କୁ ବୁଝେଇବା ପାଇଁ ପ୍ରଶାସନ ପକ୍ଷରୁରୁ ଚେଷ୍ଟା ଜାରି ରହିଛି । କିନ୍ତୁ ବର୍ତ୍ତମାନ ଯାଏ କୌଣସି ସୁଫଳ ମିଳିନାହିଁ । ବର୍ତ୍ତମାନ ରାସ୍ତାରେ ଉଭୟ ପାର୍ଶ୍ଵରେ ସହ ସହ ଗାଡି ମୋଟର ଅଟକି ରହିଛି । ଯାତାୟାତ ବାଧାପ୍ରାପ୍ତ ହୋଇଛି ।