ପୂଜା କମିଟି ପକ୍ଷରୁ ସମ୍ବର୍ଦ୍ଧନା କାର୍ଯ୍ୟକ୍ରମ

ଖୋର୍ଦ୍ଧା: ଖୋର୍ଦ୍ଧା ସହରରେ ଚାଲିଥିବା ଗଜଲକ୍ଷ୍ମୀ ପୂଜାର ଭସାଣି ଶେଷ ହୋଇଛି। ମଣ୍ଡପରେ ପୂଜା ପାଉଥିବା ଗଜଲକ୍ଷ୍ମୀଙ୍କ ମୃଣ୍ମୟ ପ୍ରତିମାକୁ ବିସର୍ଜନ ଦିଆଯାଇଛି। ଏହି ଅବସରରେ ସହରର ୨୨ଟି ପୂଜା କମିଟିକୁ ସମ୍ବର୍ଦ୍ଧନା ଦିଆଯାଇଛି। ନୂଆ ବସଷ୍ଟାଣ୍ତ ମଧୁସୂଦନ ନଗର ପୂଜା କମିଟି ପକ୍ଷରୁ ଅନୁଷ୍ଠିତ ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ରାଜ୍ୟ ମହିଳା ବିଜେଡିର ବରିଷ୍ଠ ଉପସଭାପତି ବାସନ୍ତୀ ମହାପାତ୍ର ଯୋଗ ଦେଇଥିଲେ।

ସମ୍ମାନିତ ଅତିଥି ଭାବେ ମହମ୍ମଦ ଆୟୁବ, ସୃଷ୍ଟିରାଜ ତ୍ରିପାଠୀ, କାଉନ୍ସିଲ ଅମୀୟ ମହାନ୍ତି, ଜ୍ଞାନରଞ୍ଜନ ଦାସ, ଈଶ୍ୱର ଚନ୍ଦ୍ର ମଙ୍ଗରାଜ ପ୍ରମୁଖ ଯୋଗ ଦେଇଥିଲେ। ଗୋଦାବରୀ ମିଶ୍ର କାର୍ଯ୍ୟକ୍ରମର ସଂଯୋଜନା କରିଥିଲେ। ପ୍ରଦୀପ ପଟ୍ଟନାୟକ ଧନ୍ୟବାଦ ଦେଇଥିଲେ। ଏହି ଅବସରରେ ଶିଶୁ କଳାକାରଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।