ଲକଡାଉନ ବେଳେ ପଲ୍ଲୀସଭାକୁ ନେଇ ଭଦ୍ରକ ଜିଲ୍ଲାରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ

ଭଦ୍ରକ: କରୋନା ଭାଇରସ ପାଇଁ ସାରା ଦେଶ ଲକଡାଉନ ଥିବା ବେଳେ ଭଦ୍ରକ ବ୍ଲକ ଅନ୍ତର୍ଗତ କୁଡବରୁଆଁ ପଂଚାୟତର ସରପଂଚ ପଲ୍ଲିସଭା ଡାକିବାକୁ ନେଇ ଆଜି ସକାଳେ ଦୁଇଟି ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ ଘଟି ୩ଜଣ ଆହାତ ହୋଇଛନ୍ତିି ।

ପ୍ରାପ୍ତ ଖବର ଅନୁସାରେ ଆଜି ସକାଳୁ କୋଡବରୁଆ ପଂଚାୟତର କୋଡଗମ୍ଭିର ଗ୍ରାମରେ ପଂଚାୟତ ସଂପାଦକ ତାପସ କୁମାର ଦାସ ସରପଂଚ କାଳନ୍ଦୀ ଜେନା ଓ ତାଙ୍କ ସମର୍ଥକମାନଙ୍କୁ ନେଇ ପଲ୍ଲୀସଭା କରୁଥିଲେ । ଏବେ କରୋନା ପାଇଁ ରାଜ୍ୟ ସରକାର ସମସ୍ତ ପ୍ରକାର ସଭାସମିତିକୁ ବନ୍ଦ ରଖିଥିବା ବେଳେ ଏଠାରେ କିପରି ପଲ୍ଲୀସଭା ହେଉଛି ବୋଲି ଆଉ ଏକ ଗୋଷ୍ଠୀ ସରପଂଚଙ୍କୁ ପ୍ରଶ୍ନ କରିଥିଲେ । ଏହି ଠାରୁ ହିଁ ପ୍ରଥମେ ବଚସା ଓ ପରେ ପରେ ସରପଂଚଙ୍କ କିଛି ସମର୍ଥକ ଲୁହା ରଡ ଓ ଠେଙ୍ଗାରେ ଅପର ଗୋଷ୍ଠୀର ସମର୍ଥକଙ୍କୁ ଗୋଡାଇ ଗୋଡାଇ ପିଟିଥିଲେ ।

କୁଡଗମ୍ବୀରି ଗ୍ରାମର ମହାଦେବ ସାହି ରଣ କ୍ଷେତ୍ର ପାଲଟି ଯାଇଥିଲା । ସରପଂଚଙ୍କ ସମର୍ଥକ ସଂପାଦକ ତାପସ ଦାସଙ୍କୁ ଅଟକ ରଖିଥିଲେ । ଖବର ପାଇଁ ଗ୍ରାମାଂଚଳ ପୁଲିସ ଗାଁରେ ପହଂଚି ଆହତ ବିଶ୍ୱନାଥ ମହାରଣା, କୁନ ନାୟକ ଓ ଗୋପାଳ ଜେନାଙ୍କୁ ଡାକ୍ତରଖାନା ପଠାଇଥିଲେ । ଲୁଚିଛି ନା ଗୋଡ ଦୁଇଟା ଦିଶୁଛି ନ୍ୟାୟରେ ବିଭିନ୍ନ ଗୋଷ୍ଠୀ ମଧ୍ୟରେ ଛକା ପଞା ଆଗକୁ ଆଗକୁ ଆହୁରି ଉଗ୍ର ହେବା ଭଳି ଜଳ ଜଳ ହୋଇ ଦେଖା ଯାଉଛି । ଏଠାରେ ପ୍ରଶ୍ନ ଉଠୁଛି ସରକାରୀସ୍ତରରେ କୌଣସି ଅନୁମତି ନ ନେଇ ସରକାରୀ କର୍ମଚାରୀ ଏହି ଲକଡାଉନ ବେଳେ ପଲ୍ଲୀସଭା ଡାକିଥିଲେ କାହିଁକି ତାହା ସାଧାରଣରେ ପ୍ରଶ୍ନବାଚୀ ସ୍ୱଷ୍ଟି କରିଛି ।

ସମ୍ବନ୍ଧିତ ଖବର