ଭଦ୍ରକ: ଅଗ୍ନିକାଣ୍ଡ ଯୋଗୁଁ ୬ ବଖରା ଘର ଶୁକ୍ରବାର ଅପରାହ୍‌ଣରେ ଭସ୍ମୀଭୂତ ହୋଇଯାଇଛି। ସୂଚନା ଅନୁସାରେ ଭଦ୍ରକ ପୌରପାଳିକାର ବରାଳପୋଖରୀରେ ଆଜି ଅପରାହ୍‌ଣ ୨ଟାରେ ବିଜୟ ପ୍ରଧାନଙ୍କ ଘlର ଅଚାନକ ନିଆଁ ଲାଗିଯାଇଥିଲା। ସାହିବାସୀ ନିଆଁ ଲିଭାଇବାକୁ ଉଦ୍ୟମ ହୋଇଥିଲେ। ଏହା ପରେ ସେମାନେ ଦମକଳ ବିଭାଗକୁ ସୂଚନା ଦେଇଥିଲେ।

Advertisment

ଅଗ୍ନିଶମ ବିଭାଗର କର୍ମଚାରୀମାନେ ବିଜୟ ପ୍ରଧାନଙ୍କ ଘରେ ପହଂଚି ନିଆଁକୁ ଦୀର୍ଘ ସମୟର ଉଦ୍ୟମ ପରେ ଲିଭାଇଛନ୍ତି। ମାତ୍ର ଏହା ପୂର୍ବରୁ ଲକ୍ଷାଧିକ ଟଙ୍କାର ସଂପତ୍ତି ପୋଡ଼ି ପାଉଁଶ ହୋଇଯାଇଛି।

publive-image

ବିଜୟଙ୍କ କହିବା ଅନୁସାରେ ଘର ଭିତରେ ଚାଉଳ, ଫର୍ଣ୍ଣିଚର ଆଦି ଜିନିଷ ଥିଲା। ସେହିପରି ଅଗ୍ନିକାଣ୍ଡ ଯୋଗୁଁ ସୁନା, ରୂପା, ଟଙ୍କା ଆଦି ପୋଡ଼ିଯାଇଛି। ତେବେ ଅଗ୍ନିକାଣ୍ଡର କାରଣ ବିଦ୍ୟୁତ୍‌ ସର୍ଟସର୍କିଟ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି।