ଭଦ୍ରକ: କୋଭିଡ଼ ୱାର୍ଡ ନିକଟ ଡିଜି ରୁମରେ ଲାଗିଲା ନିଆଁ

ଭଦ୍ରକ: ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନା ପରିସରରେ ଥିବା କୋଭିଡ଼ ଡାକ୍ତରଖାନାର ଡିଜି ରୁମରେ ଅଗ୍ନିକାଣ୍ଡ । ଅଗ୍ନିକାଣ୍ଡରେ କୌଣସି ବିଶେଷ କ୍ଷୟକ୍ଷତି ହୋଇନଥିବା ବେଳେ ଡିଜି ରୁମର ତାର ସବୁ ପୋଡିଯାଇଛି । ମେଡିକାଲରେ ଭଦ୍ରକ ଅଗ୍ନିଶମ ବାହିନୀର ଅସ୍ଥାୟୀ କ୍ୟାମ୍ପ ରେ ଥିବା କର୍ମଚାରୀ ନିଆଁକୁ ଆୟତ୍ତ କରିଛନ୍ତି ।

ସୂଚନାଯୋଗ୍ୟ ଯେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନା ପରିସରରେ ଥିବା କୋଭିଡ଼ ଡାକ୍ତରଖାନା ତଳେ ଥିବା ଜେନେରେଟର ଘରେ ସର୍ଟସାର୍କିଟ ହୋଇ ନିଆଁ ଲାଗିଥିଲା । ପରେ ମେଡିକାଲ ପରିସରରେ ଥିବା ଅଗ୍ନିଶମ ବାହିନୀର ଅସ୍ଥାୟୀ କ୍ୟାମ୍ପର କର୍ମଚାରୀମାନେ ନିଆଁକୁ ଆୟତ୍ତ କରିଥିଲେ । ଏହି ଅଗ୍ନିକାଣ୍ଡରେ କୌଣସି କ୍ଷୟକ୍ଷତି ହୋଇନଥିଲେ ମଧ୍ୟ ବିଦ୍ୟୁତ ଯୋଗାଣ ବାଧାପ୍ରାପ୍ତ ହୋଇଛି । ଭଦ୍ରକ ଜିଲ୍ଲାପାଳ ଓ ଏସପି ଘଟଣାସ୍ଥଳରେ ପହଂଚି ସ୍ଥିତି ସମୀକ୍ଷା କରିଛନ୍ତି । ଲୋକେ ଭୟଭୀତ ନହେବା ପାଇଁ ମଧ୍ୟ ଅନୁରୋଧ କରିଛନ୍ତି । ଏବେ ମେଡିକାଲ ପରିସରରେ ଥିବା ବିଦ୍ୟୁତ କର୍ମଚାରୀଙ୍କୁ ତାର ଓ ବିଦ୍ୟୁତ ଉପକରଣର ସ୍ଥିତି ଯାଞ୍ଚ କରିବା ସହ ତାର ବଦଳାଇବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।