ଜଳିଗଲା ଲୁଗା ଦୋକାନ, ୩ଟି ଦମକଳ ଗାଡ଼ି ନିୟୋଜିତ
ନବରଙ୍ଗପୁର: ନବରଙ୍ଗପୁର ସହରର ମୁଖ୍ୟ ରାସ୍ତା ପାର୍ଶ୍ୱରେ ଥିବା ପାରସନାଥ ଏମ୍ପପୋରୀୟମ ନାମକ ଏକ ଲୁଗା ଦୋକାନରେ ଲାଗିଛି ନିଆଁ ଲାଗିଛି। ଅପରାହ୍ନ ପ୍ରାୟ ୪ଟାରୁ ଲୁଗା ଦୋକାନ ରେ ହଠାତ ନିଆଁ ଲାଗି ଯାଇଥିଲା । କିଏ କିଛି ବୁଝିବା ପୂର୍ବରୁ ଦୋକାନରେ ନିଆଁ ସହ ଧୂଆଁ ଭର୍ତି ହୋଇଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଖବର ପାଇ ସଙ୍ଗେ ସଙ୍ଗେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରୁଥିଲେ ମଧ୍ୟ ରାତି ୮ଟା ପର୍ଯ୍ୟନ୍ତ ନିଆଁ ଆୟତ୍ତ ହୋଇପାରି ନାହିଁ। ୨ ଗୋଟି ପୋଖରୀରୁ ପାଣି ଆଣି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରାଯାଉଛି। ତେବେ ଦୋକାନ ପରିବେଶ ଧୂଆଁ ରେ ପୂର୍ଣ୍ଣ ହୋଇଯାଇଥିବାରୁ କ୍ଷୟକ୍ଷତି ସମ୍ପର୍କରେ ସଠିକ ଆକଳନ ହୋଇପାରିନାହିଁ । ବିଦ୍ୟୁତ ସର୍ଟ ସର୍କିଟ ହୋଇ ନିଆଁ ଲାଗିଥିବା ଅନୁମାନ କରାଯାଉଛି । ଦୋକାନ ମଧ୍ୟରେ ଚାରିଆଡେ କରାଯାଇଥିବା ସିଲିଂ ଭାଙ୍ଗି ଧୁଆଂକୁ ବାହାରକୁ କାଢ଼ିବା ଯନ୍ତ୍ରର ସହାୟତା ନିଆଯାଇଛି। ଘଟଣାସ୍ଥଳରେ ତିନୋଟି ଦମକଳ ଗାଡି ନିୟୋଜିତ ରହିଛି।