ଅଳ୍ପକେ ବର୍ତ୍ତିଲେ ଆରୋହୀ, ହୁତୁହୁତୁ ହୋଇ ଜଳିଗଲା ସ୍କୁଟି

ବୋରିଗୁମ୍ମା: ଆଜି ଜଣେ ସ୍କୁଟି ଆରୋହୀ ଅଳ୍ପକେ ବର୍ତ୍ତି ଯାଇଛନ୍ତି | ବୋରିଗୁମ୍ମା ନବରଙ୍ଗପୁର ରୋଡ ଆଉଁଳି ନିକଟସ୍ଥ ଜାତୀୟ ରାଜପଥରେ ନବରଙ୍ଗପୁର କେଉଟ ସାହିର ଜଣେ ବ୍ୟକ୍ତି ଆଲୋକ ସାହୁ ନବରଙ୍ଗପୁରରୁ ଜୟପୁର ଅଭିମୁଖେ ଆସୁଥିବାବେଳେ ଯାନ୍ତ୍ରିକ ତ୍ରୁଟି ବା ସଟସର୍କିଟ ଯୋଗୁଁ ହଠାତ ସ୍କୁଟିରେ ନିଆଁ ଲାଗିଯାଇଥିଲା ।

ସ୍କୁଟିଟି ଆଖି ପିଛୁଳାକେ ହୁତୁହୁତୁ ହୋଇ ଜଳିବାକୁ ଲାଗିଲା। ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ସ୍କୁଟିଟି ସମ୍ପୂର୍ଣ୍ଣ ଜଳି ପୋଡି ପାଉଁଶ ହୋଇଯାଇଛି।ବୋରିଗୁମ୍ମା ଥାନା ଅଧିକାରୀ ରଚିତା ମାଡକାମୀ ଘଟଣାଟିର ତଦନ୍ତ ଚଳାଇଥିବା ଜଣାପଡିଛି ।