ବ୍ରହ୍ମପୁର: ପୂର୍ବ ଶତ୍ରୁତାକୁ କେନ୍ଦ୍ରକରି ବୁଧବାର ସନ୍ଧ୍ୟାରେ ବ୍ରହ୍ମପୁରର ବୈଦ୍ୟନାଥପୁର ଥାନା ଅନ୍ତର୍ଗତ ଲାଞ୍ଜିପଲ୍ଲୀ ନିକଟରେ ଜଣେ କଂଗ୍ରେସ ବିଧାୟକ ପ୍ରାର୍ଥୀଙ୍କୁ ଗୁଳିମାଡ଼ ହୋଇଛି। ସୂଚନା ଅନୁସାରେ ଜାତୀୟ ରାଜପଥ କଡ଼ରେ ବିଧାୟକ ପ୍ରାର୍ଥୀ ମନୋଜ କୁମାର ଜେନା ପରିଶ୍ରା କରୁଥିବା ବେଳେ ୪ ଜଣ ଦୁର୍ବୃତ୍ତ ବାଇକରେ ଆସି ଅଚାନକ ଗୁଳି କରି ଘଟଣାସ୍ଥଳରୁ ଫେରାର ହୋଇ ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ରାତି ୯ଟା ପରେ ଗୁଳିକାଣ୍ଡ ଘଟଣା ସଂପର୍କରେ ସୂଚନା ପାଇ ବ୍ରହ୍ମପୁର ଏସ୍ପି ପିନାକ ମିଶ୍ର ପୁଲିସ ଟିମ୍ ସହିତ ଘଟଣାସ୍ଥଳକୁ ପହଂଚିଛନ୍ତି। ଗୁରୁତର ମନୋଜ ଓ ତାଙ୍କ ସହଯୋଗୀଙ୍କୁ ଏମ୍କେସିଜି ମେଡିକାଲ କଲେଜରେ ଭର୍ତ୍ତି କରାଯାଇଛି। ପୁଲିସ କହିଛି ମନୋଜ ଓ ସହଯୋଗୀ ସନ୍ତୋଷଙ୍କ ଛାତିରେ ଗୁଳି ବାଜିଛି। ପୁଲିସ ଘଟଣାସ୍ଥଳରୁ ଗୋଟିଏ ମାଉଜର ଏବଂ ଗୁଳି ଜବତ କରିଛି। ରିପୋର୍ଟ ଲେଖାଯିବା ବେଳକୁ ପୁଲିସ୍ ଛାନ୍ଭିନ କରୁଛି।
ସୂଚନାଯୋଗ୍ୟ ରାତି ପାହିଲେ ଲୋକସଭା ଓ ବିଧାନସଭା ନିର୍ବାଚନ ପାଇଁ ଭୋଟ୍ ଗଣତି ହେବାକୁ ଥିବା ବେଳେ ଏହା ପୂର୍ବରୁ ବ୍ରହ୍ମପୁରରେ ଗୁଳିକାଣ୍ଡକୁ ନେଇ ନେତାମାନଙ୍କ ମଧ୍ୟରେ ଚିନ୍ତା ପଶିଯାଇଛି।