ବ୍ୟବସାୟୀ ମା’-ପୁଅଙ୍କ ଉପରକୁ ଗୁଳି, ମହିଳା ଗୁରୁତର
ରାଉରକେଲା: ବେଦବ୍ୟାସରେ ଥିବା ଗହଣା ଦୋକାନରୁ ଘରକୁ ଫେରିବା ବାଟରେ ବ୍ୟବସାୟୀ ମା’-ପୁଅଙ୍କ ଉପରକୁ ଗୁଳି ମାଡ଼ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ରାତି ପ୍ରାୟ ୮ଟାରେ ବେଦବ୍ୟାସ ଗୁରୁଦ୍ବାରା ରୋଡ୍ରେ ଥିବା ଗହଣା ଦୋକାନରୁ ମା-ପୁଅ ନିର୍ମଳା ଦେବୀ ଓ ପ୍ରକାଶ ପ୍ରସାଦ ଫେରୁଥିଲେ। ସ୍ଥାନୀୟ ନଦୀଟୋଲା ସ୍ଥିତ ବାସଭବନରୁ ମାତ୍ର ୪ ଶହ ମିଟର ଦୂରତାରେ ୩ ଜଣ ଦୁର୍ବୃତ୍ତ ସେଠାରେ ପହଞ୍ଚି ୫ ରାଉଣ୍ଡ ଗୁଳି କରିଥିଲେ। ଗୋଟିଏ ଗୁଳି ନିର୍ମଳାଙ୍କ ଅଣ୍ଟାରେ ବାଜିଥିବାବେଳେ ବାକି ୪ଟି ଗୁଳି ମିସ୍ ହୋଇଯାଇଛି । ବ୍ରାହ୍ମଣୀତରଙ୍ଗ ପୁଲିସ ଘଟଣାସ୍ଥଳରୁ ୩ ଟି ଜୀବନ୍ତ ଗୁଳି ଉଦ୍ଧାର କରିବାସହ ତଦନ୍ତ ଜାରି ରଖିଛି।