ନୂଆପଡା: ନୂଆପଡ଼ା ଜିଲ୍ଲା ଲଖନା ଥାନା କୁରୁମପୁରୀ ଲିମଡିହି ଗାଁରେ ୱାର୍ଡମେମ୍ବର ନିର୍ବାଚନକୁ କେନ୍ଦ୍ରକରି ଗୁଳିମାଡ ହୋଇଥିବା ଅଭିଯୋଗ ହୋଇଛି | ଏଥିରେ ରୁପେସ ସାହୁ ନାମକ ଜଣେ ଯୁବକ ଆହତ ହୋଇଛନ୍ତି | ସୂଚନା ମୁତାବକ ଚଳିତ ପଂଚାୟତ ନିର୍ବାଚନରେ ଲିମିଡିହି ଗାଁର ୱାର୍ଡ ମେମ୍ବର ପ୍ରାର୍ଥୀ ଭାବରେ ମୋହନ ସାହୁ ଓ ରାମଲାର ଶବର ଛିଡା ହୋଇଥିଲେ | ଏଥିରେ ରାମଲାଲ ଶବର ବିଜୟୀ ହୋଇଥିଲେ |
Sambad is now on WhatsApp
Join and get latest news updates delivered to you via WhatsApp
ହେଲେ ବିଜୟୀ ପ୍ରାର୍ଥୀ ରାମଲାଲ ଶବରଙ୍କ ତିନି ପୁଅ ଝିଅ ରହିଥିବା ଅଭିଯୋଗ କରି ହାରିଥିବା ୱାର୍ଡମେମ୍ବର ପ୍ରାର୍ଥୀ ଆରଟିଆଇରେ ସୂଚନା ମାଗିଥିଲେ | ଏଥିରେ କ୍ଷୁବଧ ହୋଇ ବିଜୟୀ ପ୍ରାର୍ଥୀଙ୍କ ସମର୍ଥକମାନେ ଗତକାଲି ବିଳମ୍ବିତ ରାତ୍ରିରେ ମୋହନ ସାହୁଙ୍କ ଘରକୁ ପଶି ଗୁଳିମାଡ କରିଥିଲେ |
ସୌଭାଗ୍ୟବସତଃ ଗୁଳି ରୁପେସ ସାହୁଙ୍କ ଦେହରେ ସିଧାସଳଖ ନବାଜି କାନ୍ଥରେ ବାଜିଥିଲା | ଆଉ ଗୁଳିଟି କାନ୍ଥରେ ବାଜି ତାଙ୍କ ମୁଣ୍ଡରେ ବାଜିଥିଲା | ଯାହାଫଳରେ ରୁପେସ ସାହୁ ଆହତ ଅବସ୍ଥାରେ ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।ନୂଆପଡା ଏସଡିପିଓ ଘଟଣାର ତଦନ୍ତ କରୁଛନ୍ତି।