ଭଞ୍ଜନଗରରେ ଜୋନସ୍ତରୀୟ ଫୁଟବଲ ପ୍ରତିଯୋଗିତା ଓ ଚୟନ ଶିବିର

ଭଞ୍ଜନଗର: ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ କଲେଜ ଖେଳ ପଡିଆ ଠାରେ ଜୋନ ସ୍ତରୀୟ ୧୭ ବର୍ଷରୁ କମ ଫୁଟବଲ ଖେଳାଳୀ ଚୟନ ଶିବିର ଅନୁଷ୍ଠିତ ହୋଇଯାଇଛି। ପୂର୍ବରୁ ସୋରଡ଼ା ଏବଂ ଭଞ୍ଜନଗର ବ୍ଳକ୍‌ରୁ ଚୟନ ହୋଇଥିବା ସ୍କୁଲର ବଛାବଛା ଫୁଟବଲ ଖେଳାଳୀ ଏଥିରେ ଅଂଶ ଗ୍ରହଣ କରିଥିଲେ। ଆଜି ଉଭୟ ବ୍ଳକର ଖେଳାଳୀ ମାନଙ୍କ ମଧ୍ୟରୁ ୧୬ ଜଣ ପୁଅ ଏବଂ ୧୬ ଝିଅ ଉତ୍କୃଷ୍ଟ ଖେଳାଳୀଙ୍କୁ ଚୟନ କରାଯାଇଥିଲା। ସେମାନ‌େ ଜିଲ୍ଲା ସ୍ତରୀୟ କ୍ରୀଡାରେ ଅଂଶ ଗ୍ରହଣ କରିବେ ବୋଲି ଜଣାପଡିଛି। ଏହାକୁ ବିଇଓ ଏସ୍‌ ଧନଞ୍ଜୟଙ୍କ ପୌରହିତ୍ୟରେ ବ୍ଳକ୍‌ ଶାରୀରିକ ଶିକ୍ଷା ସମ୍ପାଦକ ପ୍ରବୀଣ କୁମାର ଖାଡଙ୍ଗା,ଏବିଇଓ ସୂର୍ଯ୍ୟ ନାୟକ ଉପସ୍ଥିତ ରହି ଖେଳାଳୀ ମାନଙ୍କୁ ଉତ୍ସାହିତ କରିଥିଲେ।

ଏହାକୁ ବରିଷ୍ଠ ପ୍ରଶିକ୍ଷକ ତଥା କ୍ରିଡାବିତ୍‌ ଆନନ୍ଦ ରାଓ, ମୋଚିରାମ ରଣସିଂହ, ସୁବାଷ ଚନ୍ଦ୍ର ଗୌଡ, ପି.ରମେଶ ଛାତ୍ରଛାତ୍ରୀ ମାନଙ୍କ ମଧ୍ୟରେ ପ୍ରତିଯୋଗୀତା କରି ଖେଳାଳୀ ଚୟନ କରିଥିବା ବେଳେ କ୍ରିଡା ଶିକ୍ଷକ କାହ୍ନୁ ଚରଣ ନାୟକ, ସଚିତ୍ର ନାୟକ, ଭଗବାନ ଭୋଇ, ଚନ୍ଦ୍ର ଶେଖର ପଣ୍ଡା, ପ୍ରଦୀପ୍ତ ନାୟକ, ମାନସ ପ୍ରହରାଜ, ସଞ୍ଜୟ ନାୟକଙ୍କ ସମେତ ବହୁ ଶିକ୍ଷକ ଶିକ୍ଷୟତ୍ରୀ ପ୍ରମୁଖ ପରିଚାଳନା କରିଥିଲେ।