ବେଆଇନ ଚାଲାଣ ହେଉଥିବା ୩୫ ପେଟି ବିଦେଶୀ ମଦ, ୮ ହଜାର ଟଙ୍କା ଜବତ, ୨ ଜଣଙ୍କୁ କୋର୍ଟ ଚାଲାଣ

ପାଟଣାଗଡ଼: ବଲାଙ୍ଗୀର ଜିଲ୍ଲା ପାଟଣାଗଡ଼ ଅଞ୍ଚଳରେ ବିପୁଳ ପରିମାଣରେ ବେଆଇନ ମଦ କରାବାର ହେଉଥିବା ବେଳେ ଏ ନେଇ ବିଭିନ୍ନ ସମୟରେ ଖବର ପ୍ରକାଶିତ ହେଉଛି। ତେବେ ବେଆଇନ ଭାବେ ବିକ୍ରି କରାଯିବାକୁ ଚାଲାଣ କରାଯାଉଥିବା ବେଳେ ପୁଲିସ ଦ୍ଵାରା ୩୫ ପେଟି ବିଦେଶୀ ମଦ ଜବତ ହୋଇଛି। ଏହି କାରବାର ସହ ସଂପୃକ୍ତ ୨ ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରି କୋର୍ଟ ଚାଲାଣ ଥିବା ଜଣାପଡିଛି ।

ପୁଲିସର ସୂଚନା ଅନୁଯାୟୀ, ପାଟଣାଗଡ଼ ଥାନାଧିକାରୀ କେ. ପ୍ରିୟଙ୍କା ରାଉତରାୟଙ୍କ ନେତୃତ୍ୱରେ ପେଟ୍ରୋଲିଂ ଚାଲିଥିବାବେଳେ ପାଟଣାଗଡ଼ -ବରପଦର ବ୍ରିଜ ଠାରେ ଏକ ୱାଗନଆର ଉପରେ ସେନ୍ଦେହ ହୋଇଥିଲା। ୱାଗନଆର(ସିଜି ୦୪ ଏଚ ୩୯୫୦)ରେ ଦୁଇ ଜଣ ବସିଥିବା ବେଳେ ଉକ୍ତ ଗାଡିବେ ୩୫ ପେଟି/କାଟୁନ୍‌ ବିଦେଶୀ ମଦ ବେଆଇନ ଭାବେ ଚାଲାଣ କରୁଥିବା ଦେଖିବାକୁ ମିଳିଥିଲା । ଉକ୍ତ ମଦ ସବୁ ଜବତ କରିବା ସହିତ ଗାଡିରେ ବସିଥିବା ନଅଗାଁର ଛେଲିଆ ବେହେରା ଓ ଝାଡଖଣ୍ଡର ବିମଳେଶ ୟାଦବ ବସିଥିଲେ । ଜବତ ବିଦେଶୀ ମଦ ମଧ୍ୟରେ କେନ ଓ ବୋତଲ ରହିଥିବା ଜଣାପଡିଛି ।

ବିଦେଶୀ ମଦ ବୋଝେଇ ହୋଇଥିବା ଗାଡି ସହ ଉକ୍ତ ଦୁଇ ଜଣକୁ ପୁଲିସ ଥାନାକୁ ଆଣିଛି।। ପୁଲିସ ଏ ସମ୍ପର୍କରେ ଏକ ମାମାଲା ରୁଜୁ କରି ଅଧିକ ତଦନ୍ତ କରୁଛି। ଉକ୍ତ ଦୁଇ ଜଣକୁ କୋର୍ଟ ଚାଲାଣ କରାଯାଇ ଥିବା ବେଳେ ସେମାନଙ୍କ ଠାରୁ ୮ ହଜାର ୧୦୦ ଟଙ୍କା ଜବତ ହୋଇଛି। ଏହି ମଦକୁ ପାଟଣାଗଡ଼ରୁ ଲରମ୍ଭା ପଟକୁ ବିକ୍ରି କରାଯିବା ପାଇଁ ନିଆ ଯାଉଥିବା ଜଣାପଡିଛି । ଜବତ ହୋଇଥିବା ବିଦେଶୀ ମଦର ଆନୁମାନିକ ମୂଲ୍ୟ ଦେଢ ଲକ୍ଷ ଟଙ୍କା ହେବ ବୋଲି କହିଛନ୍ତି ଏସଡିପିଓ ସୁରେଶ କୁମାର ନାଏକ । ତେବେ ପାଟଣାଗଡ଼ ଅଞ୍ଚଳରେ ଦୀର୍ଘ ଦିନ ହେଲା ଝାଡଖଣ୍ଡର ବିମଳେଶ ୟାଦବ ନାମକ ଜଣେ ବ୍ୟକ୍ତି ଏହି ବେଆଇନ ମଦ କାରବାର ଚଳାଇଥିବା ନେଇ ମଧ୍ୟ କହିଛନ୍ତି ଶ୍ରୀ ନାଏକା

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.