ଜଟଣୀ : ସେଂଚୁିଆରନ୍ ବିଶ୍ୱବିଦ୍ୟାଳୟରେ ୧ କୋଟି ଟଙ୍କାରୁ ଉଦ୍ଧ୍ୱର୍ ଅର୍ଥ ହେରଫେର କରି ଫେରାର୍ ଥିବା ବିଶ୍ୱବିଦ୍ୟାଳୟର ପୂର୍ବତନ ମୁଖ୍ୟ ଅର୍ଥ ଅଧିକାରୀ (ସିଏଫ୍ଓ) ହିମାଂଶୁ ଶେଖର କବିକୁ ଗତକାଲି ଗିରଫ କରିବା ପରେ ଆଜି ଡାକ୍ତରୀ ପରୀକ୍ଷା ପରେ କୋର୍ଟ ଚାଲାଣ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଜଟଣୀ ଥାନା ପକ୍ଷରୁ ମିଳିଥିବା ସୂଚନାନୁସାରେ, ବିଶ୍ୱବିଦ୍ୟାଳୟର ମାନବସମ୍ବଳ ବିଭାଗର ବରିଷ୍ଠ ପରିଚାଳକ ଚିତ୍ତରଂଜନ ପଟ୍ଟନାୟକ ଚଳିତ ବର୍ଷ ଜାନୁଆରୀ ୮ ତାରିଖରେ ଜଟଣୀ ଥାନାରେ ଏତଲା ଦେଇଥିଲେ । ଏତଲା ଅନୁସାରେ ବିଶ୍ୱବିଦ୍ୟାଳୟର ସିଏଫ୍ଓ ହିମାଂଶୁ ଶେଖର ୧ କୋଟି ୩ ଲକ୍ଷ ୨୫ ହଜାର ୬୩୩ ଟଙ୍କା ବେଆଇନ ଭାବେ ଶ୍ରୀ ଭେଣ୍ଡର, ସାଇ ସାନୁ ଇଂଟରପ୍ରାଇଜେସ୍ ଓ ଏସ୍ଏସ୍ ଇଂଟରପ୍ରାଇଜେସର ଆକାଉଣ୍ଟକୁ ପଠାଇଥିଲେ । ଏହି ତିନିଟି କମ୍ପାନୀ ବିଶ୍ୱବିଦ୍ୟାଳୟ ସହ କୌଣସି ପ୍ରକାର ଜଡ଼ିତ ନଥିଲେ କିମ୍ବା ବିଶ୍ୱବିଦ୍ୟାଳୟର ଜଟଣୀ କିମ୍ବା ବିଜୟନଗରମ କ୍ୟାମ୍ପସରେ କୌଣସି କାମ କରିନଥିଲେ । ଅଭିଯୋଗ ଭିତ୍ତିରେ ପୁଲିସ ଦଫା ୪୨୦, ୪୦୮, ୪୬୫, ୪୬୮, ୪୭୧ ଓ ଆଇଟି ଆଇନର ୬୬ ଧାରାରେ ୧୭/୨୦୨୧ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଏହି ଘଟଣାରେ ଜାନୁଆରୀ ୨୩ ତାରିଖରେ ପୁଲିସ ସମ୍ପୃକ୍ତ କମ୍ପାନୀର ୩ଜଣ ମାଲିକ ଅମିତ କୁମାର ମଲିକ, ନଳୀନାକ୍ଷ ନାୟକ ଓ ସୁଜିତ ରଂଜନ ଘଡ଼େଇଙ୍କୁ ଗିରଫ କରିଥିଲା । ତେବେ ଜାଲିଆତିର ପ୍ରମୁଖ ଅଭିଯୁକ୍ତ ହିମାଂଶୁ ଶେଖର ସେହିଦିନ ଠାରୁ ଫେରାର୍ ଥିଲା । ଶେଷରେ ଗତକାଲି ତାକୁ ଗିରଫ କରାଯାଇଥିଲା । ମାଂଶୁଙ୍କ ଠାରୁ ଗୋଟିଏ ହୋଣ୍ଡା ଆଇ ୨୦ କାର୍(ଟିଏନ୍ ୧୦ଏଏଫ୍ ୩୦୧୦), ଏକ ଏଚପି ଲ୍ୟାପଟପ ଓ ଗୋଟିଏ ମୋବାଇଲ୍ ଫୋନ ଜବତ କରାଯାଇଛି ।